Foto: Radio Svoboda

Iran yadrolıq kelisimniñ barlıq şarttarın orındauda dep habarlaydı The New York Times basılımı Aqüy äkimşiligine silteme jasap.

AQŞ prezidenti Donal'd Tramp şildeniñ 17-si küni Aqüyde ötken baspasöz konferenciyasında özi prezident bolıp saylanğalı sınap kele jatqan Barak Obama kezinde Iran men AQŞ arasındağı yadrolıq kelisimniñ orındala bastağandığın eriksiz moyındadı.

Biraq Aqüy äkimşiligi Irannıñ yadrolıq kelisimdi orındauın qatañ qadağalaytının jäne terrorizmdi qoldağanı üşin aldağı uaqıtta da Tegeranğa ekonomikalıq qısımdı küşeytinin mälimdedi.

The New York Times basılımınıñ mälimetinşe, jaqın aralıqta Uaşington europalıq äriptesterimen birigip Iran rejimine qarsı jaña qadamdarğa barmaq. Bwl tikeley Donal'd Tramptıñ bastamasımen jüzege asatın boladı.

2015 jılğı Iran men AQŞ arasındağı yadrolıq kelisim boyınşa, atqaruşı bilik AQŞ Kongresine är üş ay sayın Irannıñ yadrolıq jağdayı jayında esep berip otıruı tiis. Egerde Iran yadrolıq kelisimdegi barlıq şarttardı orındaytın bolsa, onda Tegerannan barlıq halıqaralıq sankciyalar alınıp tastaladı.

“The Qazaq Times”