Foto: almaty.gov.kz

2016 jılı Almatınıñ öñirlik jalpı öniminiñ kölemi 10,3 trln teñgeni qwradı, dep habarlaydı qala äkimdiginiñ baspasöz qızmeti.

Äkimdiktiñ mälimetinşe, osı jıldıñ 6 ayı işinde ekonomikanıñ barlıq salalarında ösim bayqaladı: bölşek sauda 6,8%-ğa, köterme sauda 0,7%-ğa, önerkäsip 4,7%-ğa, qwrılıs 0,7%-ğa, baylanıs 4,9%-ğa, auılşaruaşılığı 62,8%-ğa artqan. Twrğın üy salu 15,6%-ğa, investiciya kölemi 235,7 mlrd.teñgege ösip, 12,2%-ğa wlğayğan. Inflyaciya 3,6%-dı, respublikada 3,7% qwraydı.

Sonday-aq, qalada jwmıs isteytin ŞOB sub'ektileriniñ sanı - 171,5 mıñ jäne olardıñ qatarı ötken jılmen salıstırğanda 5%-ğa ösken.

Bwdan bölek äkimdik wsınğan mälimetke sensek, salıq tüsimi de molayğan. Almatı qalasınan respublikalıq byudjetke 645,2 mlrd teñge tüsken, bwl ötken jıldıñ osı kezeñimen salıstırğanda 9%-ğa (51,1 mlrd. teñge) köp. Jergilikti byudjetke 184,2 mlrd teñge salıq qwyılğan, 9%-ğa (15,2 mlrd teñge) köp. Twraqtılıq jağdayında qalada jıl ayağına deyin ösim deñgeyi artadı dep kütilude.

Jalpı, 2017 jılğı qala byudjeti 542,4 mlrd teñgeni qwraydı. Ötken jılı ünemdeudiñ arqasında jergilikti byudjet 33 mlrd teñgege nemese 50%-ğa arttı. Ötken jılmen salıstırğanda joldardı jöndeu men qwrılıs saluğa 2,8 ese, al injenerlik jelilerge 1,9 ese, abattandıruğa 2,7 ese köp aqşa bölingen.