Foto: Vlast'

Qazaqstan öñirlerinde igerilmegen 15,5 mlrd teñge qarjınıñ 6,3 milliardı Astana qalasına tiesili. Al Almatı bolsa 3,6 mlrd teñge qarjını igere almağan. Bwl turalı QR Qarjı vice-ministri Berik Şolpanqwlov mälimdedi.

"Respublikalıq byudjet şığındarı 4 trln 406,3 mlrd teñge boldı jäne 99,2% -ğa orındaldı. 4,9 mlrd teñge ünemdeldi. Al igerilmegen qarjı kölemi 30 mlrd teñge jäne bwl jalpı şığın köleminiñ 0,7 payızın qwraydı", - dedi ol QR Ükimetiniñ otırısında.

Onıñ sözinşe, qarajattıñ igerilmeuine qatıstı jetkizuşiler arasında kelisimşart mindetteriniñ tolıq orındalmauı jäne konkurstardıñ uaqıtılı ötkizilmeui, is-şaralar uaqıtınıñ jii özgerui sındı faktiler jii kezdesedi.

"Öñirlerge bölingen 474,1 mlrd teñge qarjınıñ 96,5 payızı igerildi. Igerilmegen qarjı kölemi 15,5 mlrd teñge. Bwl ötken jıldıñ osı kezeñine qarağanda 5,5 mlrd teñgege az. Eñ köp qarajattı igere almağan Astana qalası - 6,3 mlrd teñge. Almatı - 3,6 mlrd teñge, Qızılorda oblısı - 1,7 mlrd teñge. Aqmola jäne Jambıl oblısında igerilmegen qarjı kölemi - 1,1 mlrd teñge. Qarajattıñ igerilmey qaluınıñ bastı sebebi - jwmıstardıñ uaqıtılı atqarılmauı jäne kelisimşarttardıñ keş bekitilui", - dedi vice-ministr.

Berik Şolpanqwlovtıñ sözinşe, öñirlerde "Nwrlı jer" bağdarlaması boyınşa da 4,5 mlrd teñge igerilmey qalğan jäne bwl qarajattıñ  2,6 mlrd teñgesin tağı da Astana igere almağan. Tipti 64 respublikalıq byudjettik bağdarlamağa qauip tönip twr. Sebebi osı bağdarlamalar boyınşa 119 mlrd teñgege eşqanday kelisim jasalmağan. Al bwl memlekettik organdardıñ halıqaralıq wyımdarmen jwmıs isteuge qwlıqsız ekenin körsetedi.

“The Qazaq Times”