Foto: Sputnik Kazahstan

Öñirlerdegi azıq-tülik bağasın twraqtandıru turalı kelisim orındalıp jatqan joq. Bwl turalı QR Prem'er-ministri Baqıtjan Sağıntaev mälimdedi. Onıñ sözinşe, osı kelisimniñ orındalmauına baylanıstı jauaptı adamdardı jazalau kerek. 

"Tabiği monopoliyalardı retteu, bäsekelestikti jäne twtınuşılardıñ qwqıqtarın qorğau komiteti belsendi jwmıs istep otırğan joq. Bwl dwrıs emes. Bağanı rettep otırğan komitet nemese basqa organdar jwmıs istemese eşqanday nätijege jete almaymız. Bağa qımbattay beredi. Qwrmetti äkimder, kimde-kim jazalanar bolsa, özderiñizge paydalı boladı dep oylaymın. Jartı jıldıñ nätijesi boyınşa memorandumğa säykes äreket eşbir jerde orındalmağan. Eger bağa öse beretin bolsa bwl memorandumnıñ ne keregi bar? Sondıqtan sizderden ötiniş, osı jwmısqa jauap beretin äkim orınbasarlarınıñ jauapkerşiligin qarañızdar", - dedi prem'er.

Ayta keteyik, osı jıldıñ basınan beri äleumettik mañızı bar 19 azıq-tüliktiñ bağası 6,8%-ğa, bir ayda 1,7%-ğa qımbattağan. Statistika komitetiniñ mälimetinşe, kartop bağası bir aydıñ işinde 15%-ğa, al jıl basınan beri 75,7%-ğa qımbattap ketken. Säbiz mausım ayında 8%-ğa (jıl basınan beri 35,2%), piyaz 9,9%-ğa (jıl basınan beri - 79,6%), oramjapıraq 18,8%-ğa (jıl basınan beri – 56,4%), qant– 5,3% (jıl basınan beri 2,4%-ğa arzandağan) qımbattağan.

“The Qazaq Times”