وڭىرلەردەگى ازىق-تۇلىك باعاسىن تۇراقتاندىرۋ تۋرالى كەلىسىم ورىندالىپ جاتقان جوق. بۇل تۋرالى قر پرەمەر-ءمينيسترى باقىتجان ساعىنتاەۆ مالىمدەدى. ونىڭ سوزىنشە، وسى كەلىسىمنىڭ ورىندالماۋىنا بايلانىستى جاۋاپتى ادامداردى جازالاۋ كەرەك.
"تابيعي مونوپوليالاردى رەتتەۋ، باسەكەلەستىكتى جانە تۇتىنۋشىلاردىڭ قۇقىقتارىن قورعاۋ كوميتەتى بەلسەندى جۇمىس ىستەپ وتىرعان جوق. بۇل دۇرىس ەمەس. باعانى رەتتەپ وتىرعان كوميتەت نەمەسە باسقا ورگاندار جۇمىس ىستەمەسە ەشقانداي ناتيجەگە جەتە المايمىز. باعا قىمباتتاي بەرەدى. قۇرمەتتى اكىمدەر، كىمدە-كىم جازالانار بولسا، وزدەرىڭىزگە پايدالى بولادى دەپ ويلايمىن. جارتى جىلدىڭ ناتيجەسى بويىنشا مەموراندۋمعا سايكەس ارەكەت ەشبىر جەردە ورىندالماعان. ەگەر باعا وسە بەرەتىن بولسا بۇل مەموراندۋمنىڭ نە كەرەگى بار؟ سوندىقتان سىزدەردەن ءوتىنىش، وسى جۇمىسقا جاۋاپ بەرەتىن اكىم ورىنباسارلارىنىڭ جاۋاپكەرشىلىگىن قاراڭىزدار", - دەدى پرەمەر.
ايتا كەتەيىك، وسى جىلدىڭ باسىنان بەرى الەۋمەتتىك ماڭىزى بار 19 ازىق-تۇلىكتىڭ باعاسى 6,8%-عا، ءبىر ايدا 1,7%-عا قىمباتتاعان. ستاتيستيكا كوميتەتىنىڭ مالىمەتىنشە، كارتوپ باعاسى بىر ايدىڭ ىشىندە 15%-عا، ال جىل باسىنان بەرى 75,7%-عا قىمباتتاپ كەتكەن. ءسابىز ماۋسىم ايىندا 8%-عا (جىل باسىنان بەرى 35,2%), پياز 9,9%-عا (جىل باسىنان بەرى - 79,6%), ورامجاپىراق 18,8%-عا (جىل باسىنان بەرى – 56,4%), قانت– 5,3% (جىل باسىنان بەرى 2,4%-عا ارزانداعان) قىمباتتاعان.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى