"KazGazoblok" zauıtınıñ aşıluı Foto: informburo.kz

Biznesmen Bolat Äbilov Qarağandı qalasında gazoblok öndirip şığaratın "KazGazoBlok" zauıtın aştı. Zauıt qwrılısına 1,5 mlrd teñge qarjı salınğan, dep habarlaydı informburo.kz.

"Bizdiñ zauıt Qazaqstan narığındağı eñ sapalı önimdi şığaratının ayta ketkim keledi. Temirtaudıñ qwmındağı kvarctıñ ülesi şamamen 70%. Mısalı Almatı nemese Astana qwmındağı onıñ ülesi 50-60% şamasında. Sondıqtan bizdiñ gazobloktıñ sapası öte jaqsı boladı.Biz onı nemis tehnologiyasımen jasap şığamız", - dedi ol.

Zauıttıñ aşıluına Qarağandı oblısınıñ äkimi Erlan Qoşanov qatısıp, biznesmendi zauıttıñ iske qosıluımen qwttıqtadı.

Zauıt qwrılısına 1,5 mlrd teñge investiciya salınğan. Qazirgi kezde 70 adam jwmıs istep jatır. Käsiporınnıñ negizgi klientteri Astananıñ qwrılıs kompaniyaları. Jılına 150 000 m3 gazoblok öndiretin boladı.

 “The Qazaq Times”