Foto: aif.ru

Osı jıldıñ alğaşqı tört ayında Qazaqstannıñ mwnaydan tüsken kirisi 3,2 trln  teñge boldı jäne bwl 2016 jıldıñ säykes kezeñine qarağanda 23%-ğa joğarı. Al bwdan bwrınğı jıldarda tabıstıñ mwnday joğarğı körsetkişi bayqalmağan, deydi Energyprom.kz saraptama agenttigi.

Agenttiktiñ mälimetinşe, aldın ala belgilengen jospar boyınşa osı jılı memlekettik byudjetke tüsetin tüsim  21%-ğa artadı jäne jıl soñında 11,2 mlrd teñgeni qwrauı mümkin. YAğni aldıñğı üş ayda negizgi jospardıñ 29%-ı orındalğan.

Sonday-aq, salıqtan tüsken tüsimder de birşama körinedi. Tört ayda 12%-ğa artıp, 2,2 trln teñge bolğan. Onıñ işinde korporativtik tabıs salığınıñ ülesi  — 590,7 mlrd teñge (+12%), qosımşa qwn salığı — 450,9 mlrd teñge (+8%), jeke tabıs salığı— 253,8 mlrd teñge (+5%), äleumettik salıq ülesi — 184,5 mlrd teñge (+2%).

Wlttıq bank transfertterinen tüsken tüsim  60%-ğa artıp, 918 trln teñge boldı. Salıqtıq emes tüsimder 32%ğa nemese 117,2 mlrd teñgege deyin arttı.

Agenttiktiñ mälimetinşe, memlekettik byudjet kirisiniñ işinde  jergilikti byudjettiñ körsetkişi  jaman emes siyaqtı. Tört aydağı körsetkiş - 1,4 trln teñge.

Ädettegidey jergilikti byudjet kirisi boyınşa Almatı köş bastap twr. Megaporlistiñ kirisi - 193,2 mlrd teñge. Ekinşi orında  179,1 mlrd teñge tabıspen Astana twr jäne jıldıq jospardıñ 39%-ın orındağan. Oñtüstik Qazaqstan oblısı 146,8 mlrd teñgemen üşinşi orında.

“The Qazaq Times”