مۇنايدان تۇسكەن تابىس كوپ

سونداي-اق، سالىقتان تۇسكەن تۇسىمدەر دە ءبىرشاما كورىنەدى. ءتورت ايدا 12%-عا ارتىپ، 2,2 ترلن تەڭگە بولعان. ونىڭ ىشىندە كورپوراتيۆتىك تابىس سالىعىنىڭ ۇلەسى  — 590,7 ملرد تەڭگە (+12%), قوسىمشا قۇن سالىعى — 450,9 ملرد تەڭگە (+8%), جەكە تابىس سالىعى— 253,8 ملرد تەڭگە (+5%), الەۋمەتتىك سالىق ۇلەسى — 184,5 ملرد تەڭگە (+2%).

ۇلتتىق بانك ترانسفەرتتەرىنەن تۇسكەن ءتۇسىم  60%-عا ارتىپ، 918 ترلن تەڭگە بولدى. سالىقتىق ەمەس تۇسىمدەر 32%عا نەمەسە 117,2 ملرد تەڭگەگە دەيىن ارتتى.

اگەنتتىكتىڭ مالىمەتىنشە، مەملەكەتتىك بيۋدجەت كىرىسىنىڭ ىشىندە  جەرگىلىكتى بيۋدجەتتىڭ كورسەتكىشى  جامان ەمەس سياقتى. ءتورت ايداعى كورسەتكىش - 1,4 ترلن تەڭگە.

ادەتتەگىدەي جەرگىلىكتى بيۋدجەت كىرىسى بويىنشا الماتى كوش باستاپ تۇر. مەگاپورليستىڭ كىرىسى - 193,2 ملرد تەڭگە. ەكىنشى ورىندا  179,1 ملرد تەڭگە تابىسپەن استانا تۇر جانە جىلدىق جوسپاردىڭ 39%-ىن ورىنداعان. وڭتۇستىك قازاقستان وبلىسى 146,8 ملرد تەڭگەمەن ءۇشىنشى ورىندا.

“The Qazaq Times”