Foto: Daily Mail.

Bügin tüsten bwrın Europalıq Komissiya amerikalıq keñ taralğan Facebook äleumettik jelisine 110 million euro ayıppwl saldı. Sebebi, atalğan kompaniya 2014 jılı WhatsApp-tı satıp alğan kezde Europalıq Komissiyağa jalğan aqparat bergeni anıqtalğan. Bwl turalı "Şinlañ" aqparattıq agenttiginiñ resmi saytı habarlaydı.

Qatıstı aqparattarda bwl ayıppwl somasınıñ Europalıq Komissiyanıñ eñ joğarı ayıppwl salu mölşerinen tömen ekeni aytılğan. YAğni, Facebook kompaniyasınıñ 2016 jılğı jıldıq tabısınıñ 1 payızınan (248 mln euro) da az.

2014 jılı Facebook 21,8 mlrd AQŞ dollarına WhatsApp-tı satıp aldı. Alayda, kompaniya mämile jasasu toqtamı kezinde jalğan aqparattar bergen bolıp şıqtı. EO komissiyası Facebook-ti tekserudi ötken jılı jeltoqsanda qolğa alğan bolatın.

Facebook ötken jılı tamız ayında, WhatsApp-tıñ qwpiyalıq sayasatına retteuler engizdi. WhatsApp paydalanuşılardıñ telefon nomerlerin bölisuine rwqsat berdi. Osı özgeris Europa Komissiyasınıñ derekterdi qorğau organdarınıñ tekseruine mwrındıq boldı. Europalıq komissiya ökilderiniñ aytuınşa, Facebook kompaniyası satıp alu toqtamına qol qoyuğa deyin bergen mälimetinde: eki kompaniya paydalanuşılarınıñ tirkelgisi arasındağı «senimdi avtomattandırılğan matçtı» belgilep körsetu mümkin bolmaytını turalı aytılğan.

Europalıq Komissiya bügin tüsten bwrın şığarğan şeşimi boyınşa Facebook-tıñ satıp aluğa deyingi bergen aqparattarı olardıñ jaña özgeristerine say emes dep kesip, joğarıda atalğan kölemdegi ayıppwldı töleuge tiis degen ükim berdi.

“The Qazaq Times”