فوتو: Daily Mail.

بۇگىن تۇستەن بۇرىن ەۋروپالىق كوميسسيا امەريكالىق كەڭ تارالعان Facebook الەۋمەتتىك جەلىسىنە 110 ميلليون ەۋرو ايىپپۇل سالدى. سەبەبى، اتالعان كومپانيا 2014 جىلى WhatsApp-تى ساتىپ العان كەزدە ەۋروپالىق كوميسسياعا جالعان اقپارات بەرگەنى انىقتالعان. بۇل تۋرالى "شينلاڭ" اقپاراتتىق اگەنتتىگىنىڭ رەسمي سايتى حابارلايدى.

قاتىستى اقپاراتتاردا بۇل ايىپپۇل سوماسىنىڭ ەۋروپالىق كوميسسيانىڭ ەڭ جوعارى ايىپپۇل سالۋ مولشەرىنەن تومەن ەكەنى ايتىلعان. ياعني، Facebook كومپانياسىنىڭ 2016 جىلعى جىلدىق تابىسىنىڭ 1 پايىزىنان (248 ملن ەۋرو) دا از.

2014 جىلى Facebook 21,8 ملرد اقش دوللارىنا WhatsApp-تى ساتىپ الدى. الايدا، كومپانيا مامىلە جاساسۋ توقتامى كەزىندە جالعان اقپاراتتار بەرگەن بولىپ شىقتى. ەو كوميسسياسى Facebook-ءتى تەكسەرۋدى وتكەن جىلى جەلتوقساندا قولعا العان بولاتىن.

Facebook وتكەن جىلى تامىز ايىندا، WhatsApp-تىڭ قۇپيالىق ساياساتىنا رەتتەۋلەر ەنگىزدى. WhatsApp پايدالانۋشىلاردىڭ تەلەفون نومەرلەرىن بولىسۋىنە رۇقسات بەردى. وسى وزگەرىس ەۋروپا كوميسسياسىنىڭ دەرەكتەردى قورعاۋ ورگاندارىنىڭ تەكسەرۋىنە مۇرىندىق بولدى. ەۋروپالىق كوميسسيا وكىلدەرىنىڭ ايتۋىنشا، Facebook كومپانياسى ساتىپ الۋ توقتامىنا قول قويۋعا دەيىن بەرگەن مالىمەتىندە: ەكى كومپانيا پايدالانۋشىلارىنىڭ تىركەلگىسى اراسىنداعى «سەنىمدى اۆتوماتتاندىرىلعان ماتچتى» بەلگىلەپ كورسەتۋ مۇمكىن بولمايتىنى تۋرالى ايتىلعان.

ەۋروپالىق كوميسسيا بۇگىن تۇستەن بۇرىن شىعارعان شەشىمى بويىنشا Facebook-تىڭ ساتىپ الۋعا دەيىنگى بەرگەن اقپاراتتارى ولاردىڭ جاڭا وزگەرىستەرىنە ساي ەمەس دەپ كەسىپ، جوعارىدا اتالعان كولەمدەگى ايىپپۇلدى تولەۋگە ءتيىس دەگەن ۇكىم بەردى.

“The Qazaq Times”