Foto: IJR

AQŞ jergilikti uaqıtımen seysenbi küni tañerteñ, prezident Tramp öziniñ Twitter paraqşasında özi jäne Resey şeneunikteri arasındağı qwpiyalıqtar turalı bölisti dep habarlaydı «Şinlañ» aqparattıq agenttiginiñ resmi saytı.

Tramp Twitter paraqşasında: «Men prezident retinde Reseymen terrorizmge qarsı twru jäne wşu qauipsizdigi turasındağı qwpiyalıqtarmen böliskim keledi. Äri, meniñ bwğan qwqığım bar dep qaraymın. Tuılıp otırğan keybir qoğamdıq isterdiñ sebebinen bolsa da, men Reseydiñ «Islam memleketi» jäne basqa da terrorlıq wyımdarğa qarsı twru tebinin arttıradı dep ümittenemin», – dep jazğan.

Osıdan bwrın köptegen BAQ ökilderi: Tramp öziniñ qızmet keñsesinde Reseydiñ sırtqı ister ministri Sergey Lavrovtı qabıldağan kezde, AQŞ-tıñ aqparşı agentterine qater töndiretin mañızdı qwpiyalıqtı jayıp saldı; wlttıq qauipsizdikke ülken qater töndirdi dep habarlağan edi. (osı jerden köre alasız) Alayda, bwl habardı Aqüy ökilderi teriske şığarğan bolatın.

Biraq, Tramp öziniñ äleumettik jeli paraqşasında jwrtşılıqtıñ eñ bir alañdap otırğan taqırıbı turalı söz qozğamağan. Ol bolsa – onıñ Resey ökilimen ortaqtasqan aqparatı mañızdı qwpiyalıq bolıp sanala ma, joq pa?

AQŞ-tıñ BAQ ökilderi prezidenttiñ mañızdı qwpiyalıqtardı aşuına belgili qwqığı bolğanımen, onı reseylik lauazımdımen ortaqtasuı Amerikanıñ wlttıq qauipsizdigine say emes dep ayıptap otır. Qalayda, AQŞ prezidenti men Resey sırtqı ister ministriniñ kezdesu kezindegi talqı taqırıbı amerikalıqtar üşin küşti alañ tuğızıp otır. Köptegen sarapşılardıñ qarauınşa Tramp ükimetiniñ qauipsizdik tanımı men şaraları oydağıday emes. Bwl amerikalıqtardıñ qauipsizdigine qater töndiredi dep otır.

“The Qazaq Times”