فوتو: IJR

اقش جەرگىلىكتى ۋاقىتىمەن سەيسەنبى كۇنى تاڭەرتەڭ، پرەزيدەنت ترامپ ءوزىنىڭ Twitter پاراقشاسىندا ءوزى جانە رەسەي شەنەۋنىكتەرى اراسىنداعى قۇپيالىقتار تۋرالى ءبولىستى دەپ حابارلايدى «شينلاڭ» اقپاراتتىق اگەنتتىگىنىڭ رەسمي سايتى.

ترامپ Twitter پاراقشاسىندا: «مەن پرەزيدەنت رەتىندە رەسەيمەن تەرروريزمگە قارسى تۇرۋ جانە ۇشۋ قاۋىپسىزدىگى تۋراسىنداعى قۇپيالىقتارمەن بولىسكىم كەلەدى. ءارى، مەنىڭ بۇعان قۇقىعىم بار دەپ قارايمىن. تۋىلىپ وتىرعان كەيبىر قوعامدىق ىستەردىڭ سەبەبىنەن بولسا دا، مەن رەسەيدىڭ «يسلام مەملەكەتى» جانە باسقا دا تەررورلىق ۇيىمدارعا قارسى تۇرۋ تەبىنىن ارتتىرادى دەپ ۇمىتتەنەمىن»، – دەپ جازعان.

وسىدان بۇرىن كوپتەگەن باق وكىلدەرى: ترامپ ءوزىنىڭ قىزمەت كەڭسەسىندە رەسەيدىڭ سىرتقى ىستەر ءمينيسترى سەرگەي لاۆروۆتى قابىلداعان كەزدە، اقش-تىڭ اقپارشى اگەنتتەرىنە قاتەر توندىرەتىن ماڭىزدى قۇپيالىقتى جايىپ سالدى; ۇلتتىق قاۋىپسىزدىككە ۇلكەن قاتەر ءتوندىردى دەپ حابارلاعان ەدى. (وسى جەردەن كورە الاسىز) الايدا، بۇل حاباردى اقۇي وكىلدەرى تەرىسكە شىعارعان بولاتىن.

بىراق، ترامپ ءوزىنىڭ الەۋمەتتىك جەلى پاراقشاسىندا جۇرتشىلىقتىڭ ەڭ ءبىر الاڭداپ وتىرعان تاقىرىبى تۋرالى ءسوز قوزعاماعان. ول بولسا – ونىڭ رەسەي وكىلىمەن ورتاقتاسقان اقپاراتى ماڭىزدى قۇپيالىق بولىپ سانالا ما، جوق پا؟

اقش-تىڭ باق وكىلدەرى پرەزيدەنتتىڭ ماڭىزدى قۇپيالىقتاردى اشۋىنا بەلگىلى قۇقىعى بولعانىمەن، ونى رەسەيلىك لاۋازىمدىمەن ورتاقتاسۋى امەريكانىڭ ۇلتتىق قاۋىپسىزدىگىنە ساي ەمەس دەپ ايىپتاپ وتىر. قالايدا، اقش پرەزيدەنتى مەن رەسەي سىرتقى ىستەر ءمينيسترىنىڭ كەزدەسۋ كەزىندەگى تالقى تاقىرىبى امەريكالىقتار ءۇشىن كۇشتى الاڭ تۋعىزىپ وتىر. كوپتەگەن ساراپشىلاردىڭ قاراۋىنشا ترامپ ۇكىمەتىنىڭ قاۋىپسىزدىك تانىمى مەن شارالارى ويداعىداي ەمەس. بۇل امەريكالىقتاردىڭ قاۋىپسىزدىگىنە قاتەر توندىرەدى دەپ وتىر.

“The Qazaq Times”