Bügingi tañda elimizde dästürli emes islam ağımdarımen küresu kerektigi jayında jii aytılıp jür. Bwl soñğı uaqıtta Qazaqstanda jalpı älemde bolıp jatqan terrorlıq äreketterge baylanıstı ekeni belgili. Biraq, bwl künde elimizde dästürli emes islam ağımdarınan bölek, basqada dini sektalardıñ bar ekendigin esten şığarıp alğan tärizdimiz. Bügin biz qazaq qoğamına öziniñ keri äserin tigizip, halıq sanasın ulap jatqan sol dini sektalarğa toqtaludı jön kördik.
Qazaqstan täuelsizdik alığan 26 jıl işinde elimizge kim kirmedi deysiz «Iegova kuägerlerinen» bastap, «Krişnayt», «Novapostol' şirkeui», «Iudizm», «Metodister», «Bahai», «Muna birlestiginiñ şirkeui» sındı biz attarın biletin attarın ömiri estimegen dini ağımdar qaptap keldi. Olar kelip qana qoymay qazaq qoğamınıñ bölşekteuge öz küşterin sala bastadı. Mısalı soñğı resmi mälimetterge süyensek eldegi säläfitter sanı 15 mıñnan asıp jığılıptı, bwl ülken küş olarmen küresu kerek dep şulap jürgende, «Iegova kuägerleri» 17 mıñ Qazaqstan azamatınıñ sanasın ulap, elimizdiñ tükpir, tükpirinde 60-tan astam bölimşesin aşıp ülgergen. Bügin dästürdi joqqa şığarıp jürgen tek özderiniñ oydan şığarğan qağidalarına ğana bağınatın qalıñ top bir-birimen jaulasıp, küş körsetpesine kim kepil. Ärine qwday onıñ betin arı qılsın biraq, däl sonday jağday orın alatın bolsa, kinäni qazirgidey sırtqı küşterge jaba almay qalamız. Ol kezde kinälini izdeudiñ özi keş boladı. Al bwnday dini wyımdar elimizde öte köp, olarğa qanşa adam kirip ketkenin döp basıp aytu qiın. Bir ğana Almatı qalasınıñ özinde 115 dini wyım tirkelgen eken al onı bükil respublikağa şaşıp kep jiberseñiz qanday sandar şığatının köz aldıñızğa elestete beriñiz. 17 millionnan säl ğana astanın halqı bar elge osınşama dindärlardı kirgizudiñ qanşalıqtı qajettiligi boldı. Älde qazaqqa qwdaydı tanu üşin älemniñ bar dinin tayrañdatıp qoyu kerek pe elinde?. Swraq köp, jauap joq...
Qazir qay jerdi aşıp qalsañda meyli ol tv, gazet, jurnal, radio, sayt, äleumettik jeli bolsın barlıq jerde QMDB-dan bastap, küştik qwrılımdarğa deyin tek bir ispen aynalısıp jatır. Ol islamnıñ özge ağımdarına kirip ketken adamdardı keri dästürli islamğa qaytaru. Iä bwl qwptarlıq dünie, keş bolsada öte orındı jwmıs. Biraq, joğarıda aytılıp ketken 17 mıñ Iegova kuägerlerin kim, qaşan, ata dinimen qazaqı saltına qaytaradı? Älde mindetti türde Aqtöbeda atısıp, Süriyağa barıp soğısqandarın kütu kerek pe? Saqalın sapsitıp, balağın şort kesip, qımtanıp oranğandarmen qatar, üstine ündiniñ sariin kiip, mañdayına boyauın jağıp, siırğa tabınıp, şirkeude än aytıp jürgen qanşama qazaq jür bwl elde. Bärin aytta, birin ayt bizdiñ bilikke joğarıda atalğan dini wyımdarmen «jaranıñ jarılğanın» kütpey, küresti qazirden bastağan dwrıs şığar. Qwdaysız KSRO-dan qwtılğanda köp qwdaylı Qazaqstan qwrıp almaudıñ qamın oylau kerek. Ruhani jañğırudan bwrın, ruhani qañğırudan saqtanğan abzal.
"The Qazaq Times"
