Qañtar qırğını kezindegi jäbirlenuşiler men qorğauşıları jäne azaptau isi boyınınşa sottaluşılar

20 qazan küni Jetisudıñ oblıstıq sotınıñ qılmıstıq ister jönindegi sotı qañtar qırğını kezinde qamalğandardı ütik basıp azaptadı dep ayıptalğan policiya qızmetkeri Kenjebaev Aydın qaytadan qamauğa aldı. Al osı ispen qatar qaralıp jatqan özge tört policey üy qamağına ükim etti. Bwl turalı jäbirlenuşilerdiñ qwqın qorğap jürgen  "Qañtar" qorınıñ advokatı Äsem Tüsipova mälimdedi.

Osı künge deyin kepildikpen bostandıqta jürgen küdiktilerdi qamauğa alu turalı öz qorğauındağı adamdardıñ şağımı boyınşa küdiktelerdiñ bwltarpau şarasın özgertudi ötiniş etken advokat oblıstıq sotqa arızdanğan.

Advokat Tüsipova oblıstıq sot arızın qarap is boyınşa «Sot Aydın Kenjebaevtı qamauğa aluğa şeşim şığardı. Onı sot zalınan qamauğa aldı. Bwdan özge tört policiya qızmetkeri Toqtaş, Nwrtaza, Boqanov, Jwmaşov kepilmen üyqamaqqa alındı», - dedi. Sonday-aq, öziniñ 21 qazanda qaulımen tanısqanın ayttı.

Qaulıda Qayrat Imanhanov törağalıq etken sotta sud'yalar E.Jurhanov, Ä. Sağımbekovtar Jetisu oblısı Taldıqorğan qalalıq sotınıñ 2022 jılğı 09 qırküyektegi qaulısın bwzuğa ükim şığardı.

"Sottaluşı Aydın Erkinwlı Kenjebaevqa "üyqamaq" türindegi bwltartpau şaraları özgertilip, oğan "küzetpen wstau" bwltartpau şarası qoldanılsın, sot zalınan dereu qamauğa lınsın.

Sottaluşılar Saparmwrat Erbolatwlı Toqtaşqa, Janbaqıt Nwrbaqıtwlı Nwrtazağa, Almas Adilbekoviç Bokanov jäne Ermek Erbolatoviç Mumaşovqa "kepil" türindegi bwltartpau şaraları özgertilsin, olarğa "üyqamaq" türindegi bwltartpau şaraları qoldanılsın", -delingen.

Bwdan bwrın jeti retki sot otırsı ötken Taldıqorğan qalalıq sotında da Tüsipova küdiktelerdi qamau turalı qalalıq sotqa şağımdanğan-twğın. Alayda sud'ya Bekmwrat Düysenbekov onı qanağattandırmağan.

Bes policey küdikti sanalğan azaptau isi boyınşa 23 jäbirlenuşi bar. Olardıñ barlığı derlik sotqa qatıspaydı. Özderiniñ aytuınşa "küştik qwrlımdar köbiniñ auzın jauıp kuälik beruden bas tartqızıp otır", -dep sanaydı.

material tolıqtırıldı