Talğar audanındağı dauğa aynalğan N25 Gimnaziya mektebi bastalğalı qoğamnıñ qızıu talqısında keledi. Oğan sebep äuelde "oqu tili qazaq tilinde" delingenimen artınşa audandağı atqa minerler men bilim basqarmasındağılardıñ arnayı wyımdastıruımen aralas bolıp aşılıp tınğan-dı.

Oqu mausımınıñ bastalğanına ay bolsa da oquşılardıñ jağdayı jasalmağan. Oğan bilim böliminen bastap minstrlikte jauap berip otırğan joq. Äuelde sınıp qadlıptastıru standartı 20 dan joğarı bala jinalğanda ğana aşıladı degen qağida qazaq balalarına ğana arnalğanday. Al orıs sınıptarındağı balalar sanı onşaqtı bolsa da, sınıp etip wstap otır. Audandıq bilim basqarmasınıñ jwmısınıñ sılbırlığı sonday, qwjattarı äli räsimdelmegen. Basqa mektepten auısıp kelgen balalar elektrondı jüyege äli tirkelmegen, olar sanda bar, sanaqta joq, elektrondı kündelikti aytpay-aq qoyayıq. Direktordıñ özi äli tağayındalmağan, direktordıñ mindetin uaqıtşa atqaruşı orındap otır. Mektep qwjatı äli tolıq dayın bolmağandıqtan, ashana da jwmıs istemeydi, mektep ornalasqan jer Talğar qalasınıñ tau jağında bolğandıqtan, balalar as işetin özge ashana da, düken de joq. Ol ol ma, ornalasqan ornınıñ şalğaylığına baylanıstı qatınaytın kölik te qarastırılmağan. Ol rayonğa jaqın baratın 224 bağıttağı avtobustıñ jüru jiiligi 40 minut, 2 bağıttağı avtobus ta sonday. Alda kün suıtıp keledi, sonda balalar avtobus kütemiz dep toñıp qalmay ma? Jaqın auıldardan kelip oqıp jürgen balalar ortalıqtağı avtobus beketine deyin üş-tört şaqırım jayau jüruine tura keledi, ünemi taksi şaqıruğa ata-analardıñ qaltası kötermeydi, jol boyınan kezdesken kölikke otıru bala üşin qauipti. Ata-analardı ünemi sabırğa şaqırıp kele jatqan mektep wjımı men audandıq, oblıstıq bilim basqarmasına şıdamnıñ da şegi bolatının wmıtpağan jön degimiz keledi. Balanıñ jağdayı jasalmasa, bilim aluına kedergi boladı, eldiñ bolaşağı men ümitin bağalaytın kez jetti.

Bwl mäsele turalı qwzırlı organdar äsirese bilim minstrligi arnayı qadağalasa eken.

Almatı oblısı.

Nwrbätima Baytwrsın