Demokrattar impiçmenti: Pens Tramptı bilikten ketiruden bas tarttı

AQŞ vice-prezidenti Mayk Pens Donal'd Tramptı bilikten ketiruden bas tarttı. Tiisti mälimdeme Aq üydiñ AQŞ Kongresiniñ Ökilder palatasınıñ spikeri Nensi Pelosige joldnğan hatta jazılğan.

Konstituciyadağı 25-tüzetu boyınşa Pens Tramptı ığıstırıp, memleket basşısı mindetin uaqıtşa atqaruğa qwqığı bar. Biraq Pens öz mälimdemesinde: «Mwnday şeşim bizdiñ elimizdiñ müddesine say emes. Ötken aptada men saylau nätijelerin anıqtau üşin konstituciyalıq ökilettikterimniñ şeñberinen şıqqan joqpın. Endi men Ökilder Palatasınıñ elimizdiñ ömirindegi osınday mañızdı uaqıtta sayasi oyın bastauına jol bermeymin», – dedi.

AQŞ Konstituciyasındağı 25-şi tüzetuge säykes, vice-prezident prezidenttiñ ökilettigi merziminen bwrın toqtatılğan jağdayda memleket basşısı qızmetin atqara aladı.

6 qañtarda Tramptıñ jaqtastarı Kongreske basıp kirgen kezde Mayk Pens qaraşadağı prezidenttik saylaudıñ nätijelerin bekitu jönindegi birlesken otırısqa törağalıq etken. 7 qañtar AQŞ Kongresi saylauşılardıñ dauısın eseptep, 2020 jılğı prezident saylauınıñ qorıtındısın şığaru üşin jinalğan bolatın. Saylauda demokrattar partiyasınıñ ökili Djo Bayden jeñiske jetken edi. Alayda bwğan deyingi prezident Donal'd Tramptıñ jaqtastarı jappay narazılıq akciyasın bastap, olardıñ bir tobı Kongress ğimaratına basıp kirdi. Şeruge şıqqandar policiyamen qaqtığısıp, 4 adam qaza taptı.

12 qañtarda Donal'd Tramp Djozef Baydenniñ inauguraciyası qarsañındağı qauipsizdik şaralarına baylanıstı tötenşe jağday jariyalap, Vaşingtonğa federaldı kömek jiberdi. Bwl şeşim federaldı bilikke jedeldetilgen türde qalağa kömek retinde qarajat böluge mümkindik beredi. Ädette, memleket basşıları tabiği apattardıñ saldarın joyuğa kömektesu üşin osınday tötenşe jağday engizedi.

Kapitoliy şabuılınan keyin demokrattar Trampqa impiçment jariyalauğa dayındıq bastadı. Olar Uaşingtonda demonstranttardıñ mitingin Tramp wyımdastırdı dep ayıptap otır. 2019 jılı «ökilettigin asıra paydalanğanı üşin» Trampqa alğaş ret impiçment jariyalanğan bolatın. Demokrattar jariyalağan impiçmentten keyin respublikaşıldar Aq üy basşısın aqtap şığıp, Tramp qızmetin jalğastırdı.

"The Qazaq Times"