Jwrttıñ köbi jar sala jetistik retinde aytıp jürgen "Jaña Qazaqstannıñ" jaña oblsındağı eñ ülgen audandardıñ arasın jalğaytın joldıñ jırı respublikalıq deñgeyge deyin köterildi. Aşudı jwrt joldı jauıp bilikke öz talaptarın qoydı.

Kegen men Narınqol arasındağı joldıñ naşarlığınan äbden qajığan Rayımbek audanınıñ twrğındarı keşe 25 şilde Qayqı asuında joldı jauıp, narazılıqqa şıqqan bolatın. Halıqtıñ talabı eski joldı jañartu, sonday-aq 2021 jılı şildede kürep, jañalauğa berilgen 15 şaqırım joldı ayaqtau. Bıltırdan beri 15 şaqırımnıñ tek 3 şaqırımı ğana jasalğan. Onıñ özi biıl jaramsız bolıp qalğan. Merdiger kompaniyanıñ asfal't zauıtınıñ qwjatı dwrıs bolmay, jol qwrılısı toqtap qalğan, söytip ol kompaniyamen kelisimşart toqtağannın sıltauratadı.

Narazı jwrttıñ talap-tilegin tıñdauğa Kegen audanınıñ äkimi Talğat Bayedilov pen onıñ eki orınbasarı  jäne "Qazavtojol" mekemesi men qwqıq qorğau organdarınıñ ökilderi kelgen. Şeruletkender asfal't salğanğa deyin tım bolmasa joldı greydermen tegistep otıru kerektigin, jöndeu jwmıstarın qazir bastamasa joldı aşpaytının aytıp, eki audan arasındağı 89 şaqırım eski joldı tolığımen jañartu kerek degen talaptarın aytqan.

"Biz şekaralas aumaqtarğa erekşe nazar audaramız. Almatıdan Qorğasqa deyin 304 şaqırım jol salındı, endi Kegen men Narınqol arasındağı jolğa kezek kelip twr. Bwl jol respublikalıq mañızğa ie bolğandıqtan,onı kürdeli jöndeuge wsınıstar engizdik, jobası jasalıp jatır. Büginderi oblısqa qayta jan bitude." - degen bolatın 2019 jılı «Ekspress-K» basılımına swqbat bergen sol kezdegi oblıs äkimi A.Batalov. Sodan beri birneşe jıl ötse de bayağı jartas, sol jartas. Özgergen eşteñe joq. Bwğan deyin de talay ret köterilgen mäsele bolsa da, äli künge şeşimin tappağan.

Kezinde Keñestik Respublika basşılığı Dinmwhamet Qonaevtıñ qolında twrğan kezde jasalğan jol "Eski Qazaqstan" kezeñinde qağıs qalıp "Jaña Qazaqstanğa" auırtpalığın arqalap kelgen jwr prezident Toqaevtan joldarın jañartıp berudi talap etude. Al "Qazavtojol" kompaniyası ökiliniñ sözine sensek, jaña merdiger 20 tamızğa deyin anıqtalmaq.

Nwrbätima Baytwrsın

Almatı oblısı