جۇرتتىڭ كوبى جار سالا جەتىستىك رەتىندە ايتىپ جۇرگەن "جاڭا قازاقستاننىڭ" جاڭا وبلسىنداعى ەڭ ۇلگەن اۋدانداردىڭ اراسىن جالعايتىن جولدىڭ جىرى رەسپۋبليكالىق دەڭگەيگە دەيىن كوتەرىلدى. اشۋدى جۇرت جولدى جاۋىپ بيلىككە ءوز تالاپتارىن قويدى.

كەگەن مەن نارىنقول اراسىنداعى جولدىڭ ناشارلىعىنان ابدەن قاجىعان رايىمبەك اۋدانىنىڭ تۇرعىندارى كەشە 25 شىلدە قايقى اسۋىندا جولدى جاۋىپ، نارازىلىققا شىققان بولاتىن. حالىقتىڭ تالابى ەسكى جولدى جاڭارتۋ، سونداي-اق 2021 جىلى شىلدەدە كۇرەپ، جاڭالاۋعا بەرىلگەن 15 شاقىرىم جولدى اياقتاۋ. بىلتىردان بەرى 15 شاقىرىمنىڭ تەك 3 شاقىرىمى عانا جاسالعان. ونىڭ ءوزى بيىل جارامسىز بولىپ قالعان. مەردىگەر كومپانيانىڭ اسفالت زاۋىتىنىڭ قۇجاتى دۇرىس بولماي، جول قۇرىلىسى توقتاپ قالعان، ءسويتىپ ول كومپانيامەن كەلىسىمشارت توقتاعاننىن سىلتاۋراتادى.

نارازى جۇرتتىڭ تالاپ-تىلەگىن تىڭداۋعا كەگەن اۋدانىنىڭ اكىمى تالعات بايەدىلوۆ پەن ونىڭ ەكى ورىنباسارى  جانە "قازاۆتوجول" مەكەمەسى مەن قۇقىق قورعاۋ ورگاندارىنىڭ وكىلدەرى كەلگەن. شەرۋلەتكەندەر اسفالت سالعانعا دەيىن تىم بولماسا جولدى گرەيدەرمەن تەگىستەپ وتىرۋ كەرەكتىگىن، جوندەۋ جۇمىستارىن قازىر باستاماسا جولدى اشپايتىنىن ايتىپ، ەكى اۋدان اراسىنداعى 89 شاقىرىم ەسكى جولدى تولىعىمەن جاڭارتۋ كەرەك دەگەن تالاپتارىن ايتقان.

ء"بىز شەكارالاس اۋماقتارعا ەرەكشە نازار اۋدارامىز. الماتىدان قورعاسقا دەيىن 304 شاقىرىم جول سالىندى، ەندى كەگەن مەن نارىنقول اراسىنداعى جولعا كەزەك كەلىپ تۇر. بۇل جول رەسپۋبليكالىق ماڭىزعا يە بولعاندىقتان،ونى كۇردەلى جوندەۋگە ۇسىنىستار ەنگىزدىك، جوباسى جاسالىپ جاتىر. بۇگىندەرى وبلىسقا قايتا جان بىتۋدە." - دەگەن بولاتىن 2019 جىلى «ەكسپرەسس-ك» باسىلىمىنا سۇقبات بەرگەن سول كەزدەگى وبلىس اكىمى ا.باتالوۆ. سودان بەرى بىرنەشە جىل وتسە دە باياعى جارتاس، سول جارتاس. وزگەرگەن ەشتەڭە جوق. بۇعان دەيىن دە تالاي رەت كوتەرىلگەن ماسەلە بولسا دا، ءالى كۇنگە شەشىمىن تاپپاعان.

كەزىندە كەڭەستىك رەسپۋبليكا باسشىلىعى دىنمۇحامەت قوناەۆتىڭ قولىندا تۇرعان كەزدە جاسالعان جول "ەسكى قازاقستان" كەزەڭىندە قاعىس قالىپ "جاڭا قازاقستانعا" اۋىرتپالىعىن ارقالاپ كەلگەن جۇر پرەزيدەنت توقاەۆتان جولدارىن جاڭارتىپ بەرۋدى تالاپ ەتۋدە. ال "قازاۆتوجول" كومپانياسى وكىلىنىڭ سوزىنە سەنسەك، جاڭا مەردىگەر 20 تامىزعا دەيىن انىقتالماق.

ءنۇرباتيما بايتۇرسىن

الماتى وبلىسى