كيەۆتە زەلەنسكي پولشا، ليتۆا، لاتيۆيا جانە ەستونيا پرەزيدەنتتەرىمەن كەزدەستى. بەس ەلدىڭ جەتەكشىلەرى باس قوسقان جينالىستا زەلەنسكي ۋكراينانىڭ ەڭ جاقىن قولداۋشىلارى رەتىندە وسى ەلدەردى اتادى.
ۋكراينا پرەزيدەنتى ۆلاديمير زەلەنسكيمەن كەزدەسۋگە پولشا پرەزيدەنتى اندجەي دۋدا، ليتۆا پرەزيدەنتى گيتاناس ناۋسەدا جانە لاتۆيا پرەزيدەنتى ەگيلس لەۆيتس كيەۆكە پويىزبەن جەتتى. كەزدەسۋدە اتالعان ەلدەر اراسىنداعى ىنتىماقتاستىقپەن قاتار ايماقتاعى قاۋىپسىزدىك جانە رەسەي تاقىرىپتارى تالقىلاندى.
زەلەنسكي كەزدەسۋدەن كەيىن اقپارات قۇرالدارىنا باعىتتاعان سوزىندە: «پولشا، ليتۆا، لاتۆيا جانە ەستونيا قاشاندا ءبىزدىڭ جانىمىزدا بولدى»، – دەدى. بۇعان قوسا ول كورشىلەس ەلدەرىنىڭ قورعانىس سالاسىنداعى قولداۋىنىڭ دا ايرىقشا بولعانىن اتاپ ءوتتى.
بۇل كەزدەسۋدىڭ الدى-ارتىندا جاساعان مالىمدەمەلەرىندە زەلەنسكي ەۋروپا وداعى مەن ناتو-نى رەسەيگە باعىتتالعان قىسىمدى جەتكىلىكتى دەڭگەيدە كوتەرمەي وتىرعانى تۋرالى دا ايتقان بولاتىن. زەلەنسكي ءوزىنىڭ بەينە ۇندەۋىندە ەۋرووداقتان رەسەيدىڭ مۇناي-گازىنا تەجەۋ قويۋىن سۇراعان. «رەسەيدىڭ سوعىس ماشيناسىنا قولداۋ كورسەتۋدى دوعارىپ، بارلىق رەسەيلىك ەنەرگيا كوزدەرىنەن باس تارتۋعا دايىن ەكەنىن كورسەتۋى كەرەك»، – دەگەن ۋكراينا پرەزيدەنتى.
ۆەنەسۋەلاداعى اسكەري وپەراتسيا: ترامپتىڭ مالىمدەمەسى جانە ايماقتىق تۇراقسىزدىق تاۋەكەلى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى
يەمەن سوعىسىنىڭ جاڭا كەزەڭى: وڭتۇستىكتەگى قاقتىعىس جانە ايماقتىق دەرجاۆالاردىڭ ويىنى
بەيبىتشىلىككە بوگەت بولعان لوگيكا: ۋكراينا–رەسەي سوعىسىنىڭ شەشىلمەيتىن ءتۇيىنى
نارازىلىقتىڭ ءتۇپ-توركىنى: يران قوعامىن الاڭعا شىعارعان نەگىزگى سەبەپتەر
ازەربايجاننىڭ باتىل مالىمدەمەلەرى كرەملگە قانداي بەلگى بەرەدى؟