«Resey Ukrainağa tağı bir auqımdı şabuıl jasau üşin dayındalıp jatır». Bwnday mälimdemeni NATO bas hatşısı Yens Stoltenberg jasadı.

«Beybit twrğındardı nısanağa alu – soğıs qılmısı. Ukrainanıñ Buça qalasındağı körinister Europa neşe ondağan jıldar boyı körmegen qatigez körinister», – dedi Stoltenberg Bryussel'de jasağan mälimdemesinde. NATO-nıñ SİM basşılarınıñ jinalısı qarsañında jasağan bwl mälimdemesinde ol Buçadağı jağday boyınşa Mäskeudi ayıptadı, bwğan qosa, Reseydiñ jaña auqımdı şabuılğa dayındalıp jatqanı turalı mälimdedi.

NATO bas hatşısınıñ mälimetinşe, Resey küşteri äskerlerin qayta toptastırıp, qaruların tolıqtap dayındalu üşin Kiev mañınan şegindi. Jaña şabuıldıñ bağıtı Donbass bolatının aytqan Stoltenberg kezekti şabuıl da Resey Donbastı tolıq basıp aluğa küş saladı dep boljaydı.

Mälimette aytıluınşa, Ukrainanıñ şığısında aldağı aptalarda soğıstıñ jaña kartinası aşıluı mümkin. NATO bas hatşısı Putinge qarsı qısımdı twraqtı jalğastıruğa şaqırdı.

The Qazaq Times