«رەسەي ۋكرايناعا تاعى ءبىر اۋقىمدى شابۋىل جاساۋ ءۇشىن دايىندالىپ جاتىر». بۇنداي مالىمدەمەنى ناتو باس حاتشىسى يەنس ستولتەنبەرگ جاسادى.

«بەيبىت تۇرعىنداردى نىساناعا الۋ – سوعىس قىلمىسى. ۋكراينانىڭ بۋچا قالاسىنداعى كورىنىستەر ەۋروپا نەشە ونداعان جىلدار بويى كورمەگەن قاتىگەز كورىنىستەر»، – دەدى ستولتەنبەرگ بريۋسسەلدە جاساعان مالىمدەمەسىندە. ناتو-نىڭ ءسىم باسشىلارىنىڭ جينالىسى قارساڭىندا جاساعان بۇل مالىمدەمەسىندە ول بۋچاداعى جاعداي بويىنشا ماسكەۋدى ايىپتادى، بۇعان قوسا، رەسەيدىڭ جاڭا اۋقىمدى شابۋىلعا دايىندالىپ جاتقانى تۋرالى مالىمدەدى.

ناتو باس حاتشىسىنىڭ مالىمەتىنشە، رەسەي كۇشتەرى اسكەرلەرىن قايتا توپتاستىرىپ، قارۋلارىن تولىقتاپ دايىندالۋ ءۇشىن كيەۆ ماڭىنان شەگىندى. جاڭا شابۋىلدىڭ باعىتى دونباسس بولاتىنىن ايتقان ستولتەنبەرگ كەزەكتى شابۋىل دا رەسەي دونباستى تولىق باسىپ الۋعا كۇش سالادى دەپ بولجايدى.

مالىمەتتە ايتىلۋىنشا، ۋكراينانىڭ شىعىسىندا الداعى اپتالاردا سوعىستىڭ جاڭا كارتيناسى اشىلۋى مۇمكىن. ناتو باس حاتشىسى پۋتينگە قارسى قىسىمدى تۇراقتى جالعاستىرۋعا شاقىردى.

The Qazaq Times