Äleumettik jelilerde Mäjilis deputatı Bekbolat Tileuhannıñ dissident Aron Atabek pen Şañıraq oqiğası turalı jäne "Azattıq Radiosı" jayında aytqan pikirleri qızu talqığa taqırıp boldı. Deputat Bekbolat Tileuhan 8 jeltoqsanda "Azattıq"tilşisine bergen pikirinde Şañıraq oqiğası is boyınşa sottalğan dissident, aqın Aron Atabek marqwmdı  «elbwzar» dep ayıptağan. Deputattıñ sözinşe Aron Atabek te, "Azattıq Radiosı" da "artında basqa küşter twrğan" "elbwzarlar" bolıp şıqtı. 

Bekbolat Tileuhanovtıñ aytısınşa, «Şañıraq oqiğası» kezinde Aron Atabek onıñ kömekşisi bolğandıqtan, onıñ müddesin qorğağan. Sol üşin işki ister ministri men Almatınıñ sol kezdegi äkimi Imanğali Tasmağambetovpen kezdeskenin aytadı. Alayda, Bekbolat Qanaywlı istiñ män-jayın bilgende barıp öziniñ emociyağa berilip, istegen isi üşin qattı ökingen eken.

«Bäri zañ boyınşa boldı. Men qasında bolğan joqpın. Mağan dälel keltirdi. Qoğamdıq kömekşimdi qorğadım, biraq onıñ isi qate boldı. Sot dwrıs jasadı. Advokattardıñ, tekseruşilerdiñ sözine qarasaq, bäri zañdı», – degen deputat mırza Aron Atabekke berilgen jazanı ädil dep sanaytının jetkizdi.

Sonday-aq:  «... elgili bir sayasi küşterdiñ müddesin qorğağanın bilgem joqpın. Bükil küşimmen salınıp kirisip keldim de eñ soñında opıq jedim. Sol kezde şın jüregimmen halıqqa janı aşidı dep qorğadım. Keyin sayasi qwral, dissident ekenine közim jetti», – degen Tileuhan marqwm Atabekti «elbwzar» dep ayıptaydı.

Bwdan keyin deputat Aron Atabekti «qazaqtıñ aqını» dep atağan jurnalistke aşulanıp: «Ol – orıstıñ aqını, orıs mädenietiniñ ökili. Adam qay tilde söylese, sol elge qızmet etedi. Ol kisi qalmaqtıñ dinindegi pwtqa tabınuşı bolğan. Jüregi de, tili de, dini de qazaqşa emes», – dep saldı.

Ökinişine opınğan deputat soñında eldigi eñ bastı täuelsiz basılım Azattıq radisınıñ tilşisine «Amerikanıñ aqşasına wlttı satıp, qazaqtı qan-qaqsatıp jatqan adamsıñdar... men faktini aytıp otırmın, mıqtı bolsañız osını [efirden] jiberiñ», – degen.

Bildey bir bilik partiyasınan Mäjiliste deputat bolıp otırğan Bekbolat Tileuhannıñ jaqında ğana köz jwmğan Aron Atabek pen Azattıq tilşisine qatıstı mwnday alaböten pikiri jwrtşılıqtıñ narazılığın qozğadı.

The Qazaq Times