Foto: Azattıq radiosı

"QazMwnayGaz" janar-jağarmay stanciyalar jelisi jekeşelendirilgennen keyin bir jarım jıldan soñ onıñ qwrıltayşıları qatarına Joint Technologies JŞS endi. Bwl jauapkerşiligi şekteuli seriktestik eks-prezident Nwrswltan Nazarbaevtıñ küyeubalası Timur Qwlıbaev ("Kipros" JŞS arqılı) pen Rauşan Sağdievağa tiesili. Bwl jöninde 4 qaraşada kompaniya qwjattarına süyengen Forbes saytı jazdı dep habarlaydı Ortalıq Aziya jañalıqtar qızımet.

Sayt aqparatınşa, qazir Qazaq Oil degen atqa köşirilip jatqan "QazMwnayGaz" stanciyalar jelisi 2019 jılı säuirde jekeşelendirilgen. Kelisim qwnı 60,5 mlrd teñge (sol kezdegi kurs bağamımen 163,3 mln dollar) bolğan. Qazir stanciyalar jelisi PetroRetail kompaniyasına qaraydı.

Kompaniya saytındağı mälimetke qarağanda,respublika boyınşa "QazMwnayGaz" stanciyalar jelisine 342 janar-jağarmay stanciyası kiredi.

Forbes jazuınşa, PetroRetail qwrıltayşılarınıñ arasında odan bölek Prime case JŞS (Qazaqstandağı eñ ıqpaldı käsipkerler tizimine engen Daniyar Äbilğazin men Head company JŞS-ğa tirkelgen) men Rufat Hodjalakov (Atırau oblısınıñ auır atletika federaciyasınıñ törağası, "QazMwnayGaz" öñdeu marketing jetekşisi bolğan) bar.

Head company kompaniyasınıñ qwrıltayşısı – bwrın Qarjı ministrliginde lauazımdı qızmet atqarğan, Wlttıq käsipkerler palatası prezidiumınıñ müşesi Bauırjan Toybazarov.

PetroRetail – Timur Qwlıbaev portfelindegi mwnay önimderimen aynalısatın jalğız aktiv emes. Onıñ GasEnergy degen atpen belgili dizel' jäne benzin satumen aynalısatın "Avtogaz Treyd" kompaniyasında da ülesi bar. Jeli Qazaqstannıñ iri altı qalasında jwmıs isteydi, 41 janar-jağarmay keşeni men türli tasımaldauşılarda 115 gaz monoblogı bar.

Amerikanıñ Forbes jurnalı biıl säuirde Timur Qwlıbaev pen onıñ äyeli Dinaranıñ (Nazarbaevtıñ ortanşı qızı) jiıntıq baylığı 5,6 milliard dollar (ärqaysısında 2,8 milliard dollardan) dep bağalağan. Erli-zayıptı Qwlıbaevtar öz menşigindegi "Almeks" kompaniyası arqılı eldegi eñ iri kommerciyalıq bank – Halıq bankke ielik etedi. Biıl Timur Qwlıbaev eldegi eñ iri äuejay – Almatı aeroportın türik holdingine 365 million dollarğa sattı.

54 jastağı Timur Qwlıbaev – KAZENERGY mwnaygaz jäne energetika keşeni wyımdarınıñ qazaqstandıq associaciyası jetekşisi, reseylik "Gazprom" kompaniyası direktorlar keñesiniñ müşesi äri Qazaqstan Wlttıq olimpiada komitetin, Qazaqstan boks federaciyasın basqaradı.

The Qazaq Times