Panjşer şatqalındağı WQM jasaqtarı. Foto; VOA

Auğanstandağı «Taliban» biligine qarsı qarulı äreket etetin «Wlttıq qarsılıq maydanı» attı wyım AQŞ-ta is jürgizu üşin resmi tireuden ötti.  AQŞ-tıñ Ädilet departamenti atalğan wyımdı resmi tirkegenin lauazımdı twlğalar rastadı.

Atalğan wyımnıñ sırtqı baylanıstar böliminiñ basşısı Äli Maysam Nazari bwl jañalıqtı jwma küni öziniñ  Twitter paraqşasına jariya etken edi. Ol mälimdemesinde «Wlttıq qarsılıq maydanı» öz qızmetin jahandıq deñgeyde jüzege asıra bastaytının da atap ötken bolatın. Alayda, ol kezde amerikalıq lauazımdı twlğalar bwl mälimetti resmi rastamağan-dı.

 Al, AQŞ Memlekettik departamentiniñ ökili aqparat qwraldarına bwl turalı bergen jauabında: «Özin «Wlttıq qarsılıq maydanı» atağan wyım AQŞ-tıñ «Şeteldik agenttikterdi tirkeu turalı» zañnıñ tiisti tarmaqtarına say 26 qazanda tirkeuden ötti», – dep rastadı.

Tälipter Auğanstan biligin basıp alğannan keyin bwrınğı ükimetke qızmet etkenderge raqımşılıq jariyalağan edi. Alayda, «Taliban» wyımınıñ müşeleri bäri birdey bwrınğı ükimet qızmetkerlerin nısanağa alğan şabuıldar jasadı dep ayıptalıp keledi.

Tälipter bilikke kelgennen keyin «Wlttıq qarsılıq maydanı» Kabuıldan 100 şaqırımday qaşıqtıqtağı Panjşir şatqalında öziniñ bazasın qwrğanın jariyalağan. «Taliban» qarulı küşteri men WQM arasında birer aptağa jalğasqan qarulı qaqtığısta bolğan edi. Keyin tälipter WQM jetekşisi elden ketip qaldı dep  mälimdedi jäne özderine tağılğan ayıptardı teristep şıqtı.

Ayta keteyik, Auğanstan WQM jauıngerleri negizinen bwrınğı Auğanstan qauipsizdik küşteri men AQŞ dayındağan jergilikti jasaqtardıñ qaldıq küşterinen qwralğan. Qazirge deyin olardıñ naqtı sanı turalı anıq mälimet joq. WQM-ın Soltüstik al'yanstıñ bwrınğı jetekşisi Ahmad Şah Masudtıñ 32 jastağı wlı Ahmad Masud basqaradı.

The Qazaq Times