Bügin, 19 qazanda Türkistan öñirindegi jekemenşik balabaqşalardıñ jüzden asa qızmetkeri bala basına memleketten beriletin qarajat köleminiñ mardımsızdığına şağınıp, prezident Toqaevqa wjımdıq hat jazdı. Oqiğa turalı tolımdı aqparat taratqan Azattıq radiosınıñ habarlauınşa, äkimdik jauabına köñili tolmağan olar Aqordağa qayrıluğa mäjbür bolğan.
Seysenbi kündiz jüzden artıq tärbieşi jäne sol qatarlı qızmetker Türkistan qalasındağı äkimşilik iskerlik ortalığına barğan. Narazılar Türkistan oblısınıñ barlıq audan qalalarınan jinaldı. Olar qoldarına «Tärbieşilerdiñ aylıq jalaqısı köterilsin!», «Bizdiñ de eñbegimiz basqa oblıstar siyaqtı bağalansın!» degen jazuı bar birneşe plakat wstap şıqqan.
Aqparat qwralına pikir bildirgen narazılardıñ biri Dilbar Habibova respublika boyınşa byudjet esebinen ortaşa eseppen «jekemenşik balabaqşalarda bala basına 40 mıñ teñgeden tölenip jatır. Türkistan oblısında üş jıldan beri 25 mıñ teñge tölenedi».
«Jıl basınan beri tärbieşilerdiñ aylıq jalaqısı 25 payızdan eki ret köterildi. Biz bala basına beriletin aqşanı kötermey jatqan soñ jalaqını ösire almay otırmız. Tärbieşiler «nege pedagog turalı zañ orındalmay jatır?» dep köterilip jatır. Sol üşin qwrıltayşılar äkimdik aldına keldi», – deydi Habibova.
Narazılardıñ pikirinşe, bala basına beriletin qarajattı ösirmey, käsipkerlerdiñ, tärbieşiler men balanıñ taptalıp kelgen qwqığı qalpına kelmeydi. Mısalı, jekemenşik balabaqşalarda jwmıs isteytin qızmetkerlerdiñ jalaqısı az. Kişi qızmetkerlerdiñ jalaqısı – 40 mıñ teñge, tärbieşilerdiñ jalaqısı 50-70 mıñ teñge arasında.
Narazı toptı oblıs äkiminiñ orınbasarları Kongress holl ğimaratına kirgizip, söylesken. Biraq äkimdiktiñ jauabına köñili tolmağan narazılar peticiya jazıp, prezident Qasım-Jomart Toqaevqa joldadı.
Oblıstıq adami äleuetti damıtu basqarması basşısınıñ orınbasarı Amantay Öserbaev narazı toptıñ şartımen kelisetinin aytadı. Onıñ sözinşe, balabaqşadağı bala basına qarjılandıru 41 mıñ teñge bolğanımen 25 800 teñge tölenip jatır. Käsipkerlerdiñ talabın orındau üşin qarjı ministrligine hat jazılğan.
Oblıs äkimdiginiñ mälimetinşe, aymaqta 1424 balabaqşa bolsa, onıñ 1024-i – jekemenşik. Jekemenşik balabaqşadağı bala sanı jüz mıñnan asadı. Keyingi jıldarı Qazaqstanda pedagogterdiñ jalaqısı biliktilik sanatına qaray aytarlıqtay wlğayğanımen, balabaqşa-böbekjay qızmetkerleriniñ eñbekaqısı psihologiyalıq-emocionaldı qaju men kündelikti bazalıq şığındarmen salıstırğanda öte mardımsız.
Qosay Mahambaev: oq tigen adamdı qwtqaram degende özimdi atıp tastadı
Rezidenciya isi. Orınğazı Serikbol: Beybit şeruge şıqtım. al, 269 baptı moyındamaymın
Kiberşabuılğa wşırağan BAQ ökilderi qwqıq qorğau organdarına arız tüsirdi
Oyan, Qazaqstan qozğalısınıñ tağı bir belsendisin policiya bölimine şaqırdı
Ortalıq Aziya: tarihi, sayasi jäne ekonomikalıq müddeler ayasında