Keşe, 27 qırküyekte Qapşağay qalalıq sotı "terrorizmdi nasihattadı" degen ayıppen sottalğan belsendi Kenjebek Äbişevtiñ şarttı türde merziminen bwrın bosap şığu turalı ötinişin üşinşi märte qanağattandırdı. Bwl turalı qwqıq qorğauşı Bahıtjan Töreğojinanıñ mälimetin negizge alğan Azattıq radiosı habarladı.
Qwqıq qorğauşınıñ aytuınşa, eger prokuratura qarsılıq tanıtpasa, sot şeşimi 15 künnen soñ küşine enedi.
Azattıq radiosı qwqıq qorğauşınıñ bwl habarın Almatı oblıstıq sotınıñ baspasöz hatşısı Samat Avganov rastağanın jazdı.
"LA-155/14 mekemesinde jazasın ötep jatqan sottaluşı Äbişev jazasınıñ qalğan böligin – 2 jıl 4 ay 20 kündi jazanıñ jeñil türine auıstırudı swrağan arız tüsirdi. 2021 jılğı 27 qırküyekte Qapşağay qalalıq sotınıñ qaulısımen qılmıstıq kodekstiñ 73-babına say, Äbişevtiñ arızı qanağattandırıldı. Qaulı äzirge zañdı küşine engen joq" delingen sottıñ baspasöz mälimdemesinde.
Kenjebek Äbişevtiñ osığan wqsas ötinişterin sot 1 aqpanda jäne 29 säuirde eki ret qanağattandırğan. Biraq ekeuinde de prokuratura sot şeşimine şağım tüsirip, qwjattıñ küşin joydırğan.
Almatı oblıstıq sotı Kenjebek Äbişev 2018 jılğı 21 jeltoqsanda "terrorizmdi nasihattadı" degen ayıppen jeti jılğa sottağan edi. 2019 jılı apellyaciyalıq sot ükimdi özgerissiz qaldırdı.
2020 jılğı 13 naurızda Qapşağay qalalıq sotı Almatı oblısınıñ Zareçnıy kentindegi jalpı rejimdegi koloniyada (LA-155/14 ortaşa qauipsizdik mekemesi) qamauda otırğan belsendi Kenjebek Äbişevtiñ jaza merzimin azaytqan bolatın.
Qazaqstandıq qwqıq qorğauşılar Kenjebek Äbişevti sayasi twtqın dep tanığan. Qazaqstan biligi elde sayasi twtqındar joq dep esepteydi.
Almatı obl prkuraturası. Belsendiler: «Jalğan jalamen qamaudağı Aygerim men Dumanğa bostandıq!»
Arman Älimbekov: Men ol jerdiñ rezidenciya ekenin bilmedim. Eşnärse bwldirmedim.
Qosay Mahambaev: oq tigen adamdı qwtqaram degende özimdi atıp tastadı
Rezidenciya isi. Orınğazı Serikbol: Beybit şeruge şıqtım. al, 269 baptı moyındamaymın
Kiberşabuılğa wşırağan BAQ ökilderi qwqıq qorğau organdarına arız tüsirdi