Руслан Еңсебаев. Фото: primeminister.kz

Экс-шенеунік үкім жарияланған бойда сот залынан қамауға алынды.

Астана соты пара алды деп айыпталған бұрынғы қаржы вице-министрі Руслан Еңсебаевқа үкім шығарылғанын хабарлады.

Судья Бақытжан Есенов айыпталушы-шенеунік Еңсебаевтың Байбосынов пен Бұхарбайдан цифрландыру жобаларын ақпараттық сүйемелдеу бойынша қызмет көрсетуді сатып алу конкурсында «Аль-Фараби Partners» ЖШС-нің жеңіп шығуы үшін 1,2 млн теңге пара алғанын анықтады. Ескендіров (Ақпарат және қоғамдық келісім министрлігі ақпарат комитетінің төраға орынбасары) Байбосынов пен Бұхарбайдан  қосалқы мердігерлік жұмыстарды орындауға «Астана қаласының телеарнасы» ЖШС мен «Аль-Фараби Partners» ЖШС-нің арасында келісім-шарттар жасасу барысында құжаттарға қол қоюды жеделтету мен қамқорлық жасағаны үшін 2,3 млн теңге көлемінде пара алған.

Күдіктілердің кінәсі куәгерлердің куәлігі және банк шоттары үзінділерімен дәлелденген.

Еңсебаев пен Ескендіров жемқорлық жасағаны үшін, ал Байбосынов пен Бұхарбай адамдар тобының алдын ала сөз байласуымен бірнеше рет пара бергені үшін кінәлі деп танылды.

«Пара бергендігі үшін Қылмыстық кодекстің 366-бабының 2-бөлімінде 3 жылдан 7 жылға дейінгі мерзімге бас бостандығынан айыру жазасы қарастырылған. Сот қылмыстық жазаны ауырлататын мән-жай ретінде қабылданған анттың бұзылуын таныды, сондықтан Енсебаев пен Ескендировке 4 жылға бас бостандығынан айыру жазасын тағайындауды әділ деп санады», – делінген Есіл ауданының №2 аудандық соты шығарған шешімде.

Байбосынов пен Бұхарбай заңда көзделген жазаның ең аз мерзімі – жеті жылға бас бостандығынан айыруға тағайындалды.

Күдіктіден айыпталушы айналғаны, тағылған айыбы расталғандар үкім жарияланғаннан кейін бірден қамауға алынды. Олардың барлығы өмір бойы мемлекеттік қызметте қызмет атқару құқығынан айырылды.

Қазақстанда саяси және мемлекеттік қызметкерлері парақорлық айыбымен жиі істі болып жатады. Белсенділер мен сарапшылар жемқорлықтың елдегі ең жуан әм жүйелі №1 мәселеге айналғанын кейінгі жиырма жылда үздіксіз сынап-айыптап келеді. Дегенмен халық салымынан түзілетін мемлекет қаржысын жымқыру-паралау әрекеті әлі де тыйыла қоймады. 2019 жылғы 10 желтоқсанда қайта толықтырылған «ҚР мемлекеттік қызметі туралы» заңға сәйкес:

«Орталық мемлекеттік орган басшыларының орынбасарлары – өзі жетекшілік ететін ведомствоның, дербес құрылымдық бөлімшенің басшысы сыбайлас жемқорлық қылмыс жасаған кезде отставкаға беруі керек»

The Qazaq Times