Almatıda Dempartiya mitingisi şeruge wlastı. Internet bwğattaldı. Birneşe belsendi wstaldı (fotobayan)

Almatı qalasında tirkelmegen Dempartiyanıñ kezekti mitingisi ötti. Abay eskertkişiniñ tübinde jinalğan belsendiler bwğan deyin habarlanğanday negizgi üş talaptı köterdi. «Sayasi twtqındarğa bostandıq berudi», «Ükimettiñ elektrondı platformasın reseylik komapniya kömegimen transformaciyalauğa qarsılıq», «memlekettik tildi qorğau» siyaqtı talaptarmen ötken jiında jäne qalanıñ ortalıq aumağında mobil'di internet bwğattaldı.

Redakciya tilşisi sağat 11.45 şamasında qala äkimdik mañayında mobil'di internet istemeuiniñ sebebin swrap wyalı operatorğa habarlasıp kördi. Activ («Ksell» AQ) baylanısınıñ koll ortalıq mamanı «QR Baylanıs turalı zañınıñ» 41-1-babı («Baylanıs jelileriniñ jäne (nemese) qwraldarınıñ jwmısın toqtata twru tärtibi») boyınşa terrorizm qaupine qatıstı qwzırlı organdardıñ tapsırmasımen uaqıtşa, belgisiz merzimge deyin jwmıs istemeytinin» jetkizdi.

Policiya beyresmi Dempartiya jaqtastarın belgilengen orında wstauğa tırıstı, Abzal Dostiyarovtı avtozakpen äketti. Almatı qalası. 18 qırküyek 2021 jıl. Foto: QT / Kültegin Aspanwlı

Miting bastalarğa birer sät qalğanda policiyanıñ belsendi Arujan Düysebaevanı wstağanı habarlandı. Policiya narazılardıñ qolındağı plakattar men rupordı küşpen tartıp aldı.  Janbolat Mamay, Abzal Dostiyarov pen Nwrbol Bäyterekov üşeuin Abay-Dostıq köşeleriniñ qiılısına kelgen kezde arnayı jasaqtıñ 20 şaqtı sarbazı tap berdi. Dempartiya jaqtastarı teketireske tüsip, Mamay men Bäyterekovti alıp qaldı. Omondıqtar Abzal Dostiyarovtı wstap äketti. Oğan deyin Irısbek Toqtasın miting qarsañında 15 täulikke qamauğa sottalğan edi.

Mitingtiñ alğaşqı kezeñinde belsendiler kezektesip talap-pikirlerin bildirdi. Almatı qalası. 18 qırküyek 2021 jıl. Foto: QT / Kültegin Aspanwlı

Mitingke jinalğandar bilikti sınadı. Olar «Täuelsizdikke qauip töndirgen» Nazarbaev rejiminiñ «bilikten tolıqtay ketuin» talap etip, «Nazarbaev ket!» dep wrandastı. Sonımen qosa, «Aron Atabek bastağan sayasi twtqındarğa bostandıq berilsin», «AES salu äskeri qoymağa ie bola almaytın biliktiñ isi emes», «Sber kerek emes, otandıq mamandardıñ şaması keledi», «Qıtaydıñ industriyalıq-demografiyalıq ekspansiyasına jol joq», «Äleumettik jeliden qolıñdı tart» degen talap-lozungter jii qaytalandı.

 «Täuelsizdik degenimiz Nazarbaevtıñ otbası men onıñ aynalasındağılardı bayıtuğa arnalğan qwral emes. Ol bükil qazaqstandıqtardıñ qwndılığı, onı qorğau kerek», – dedi bastamaşıl top jetekşisi Janbolat Mamay.

Bwl jolı da oqiğa ornına qoğamdıq kölikter äkelindi. Saqşılar jayau jürginşilerdiñ jürip-twruın şektep, aumaqqa ötuine tıyım saldı. Almatı qalası. 18 qırküyek 2021 jıl. Foto: QT / Kültegin Aspanwlı

Oqiğa ornında bolğan redakciya tilşileri Abay men Dostıq köşeleriniñ mañın policiya küzetip twrğanın, twrğındardı jiın mañayına ötkizbey jatqanın kördi. Oqiğa ornında policiya departamenti bastığınıñ orınbasarı Nwrlan Almasbekov pen qoğamdıq damu basqarması basşısınıñ orınbasarı Aydar Esenbekov jürdi.

Küştik qwrılım ökilderi bwl jolı da qoğamdıq kölikterdi igiligine paydalandı. «AlmatıElektroTrans» JŞS avtoparkine tiesili №86 bağıttağı marşurttıñ birneşe avtobus policiya nwsqauımen eskertkiştiñ aldına qoyıldı. İşine ädettegidey qwzırlı organ ökilderi bel jazıp, otıruğa kirip-şığıp jürdi. Policiyanıñ qoğamdıq tasımaldau qızmetiniñ kölikterin qoldanuı qanday da bir qwqıqtıq negizde kelisimşart boyınşa zañdastırılğan ba degen swraqqa redakciya eki aydan beri jauap ala almay keledi.

(Bwğan deyin 6 şildede ötken sankciyalanbağan mitingte arnayı jasaq pen policiya atalğan kompaniyağa qaraytın №32 bağıttağı marşruttıñ tört-bes avtobusın paydalanğan. Soğan baylanıstı redakciya qalalıq äkimdik pen Policiya departamentine swrau hat joldağan, dese de äli künge deyin jauap berilmedi – QT)

Şeruge wlasqan narazılıq akciyasına 40 şaqtı belsendi qatıstı. Almatı qalası. 18 qırküyek 2021 jıl. Foto: QT / Kültegin Aspanwlı

Taltüs kezinde, sağat 13.30-te belsendiler Dostıq dañğılı boyımen Ş.Uälihanov eskertkişine, keyin Täuelsizdik monumentine qaray şeruletip bardı. Keyinnen Jeltoqsan, Abay, Masançi köşeleriniñ jiegimen Almatı qalalıq policiya departamentine qaray bettedi. Jol-jönekey joğarıda atalğan talaptarın ayta jürdi.

Narazılar qala işinde 10 şaqtı şaqırım jayau jürip talaptarın wrandasıp ayttı. Jolda kezikken özge twrğındar qalta telefonına taspalauğa tırıstı. Almatı qalası. 18 qırküyek 2021 jıl. Foto: QT / Kültegin Aspanwlı

Şeruletken toptı Almatı qalalıq policiya departamenti bastığınıñ orınbasarı Rustam Äbdrahmanov kütip aldı. Ol departament ğimaratınıñ aldına kelgen narazılarğa jaqtastarınıñ bosatılmaytının, sot şeşimi boyınşa äreket etetinin mälimdedi.

«Äkimşilik qwqıq bwzğanı üşin äkimşilik jauapqa tartılıp jatır. Keybir belsendi 25 tamızdağı sadaqa-asqa qatısqan. Abzal jäne Däuren Dostiyarovtar 6 şilde küngi mitingke şıqqanı üşin äkimşilik sot şeşim şığardı. Bwl kisiler mwnda joq, ...zañ bwzğandıqtan äkimşilik qamauğa alındı» dedi Äbdrahmanov.

Almatı qalalıq policiya departamenti bastığınıñ orınbasarı Rustam Äbdrahmanov pen dempariyalıqtar wstalğan belsendiler turalı söz talastırdı. Almatı qalası. 18 qırküyek 2021 jıl. Foto: QT / Kültegin Aspanwlı

Ondağan adam belsendiler bosatılmayınşa ketpeytinin aytıp, esik aldında kütip otırdı. Narazılar Abzal Dostiyarovtıñ keyingi kezde üş ret qatarınan qamalğanın eske alıp, konstituciyalıq bastı qwqıqtarına nwqsan kelgenin ayttı. Sağat 15.30-dan asqanda departament basşılığı Arujan düysebaeva men Gülnär Meyirmanbetovanıñ bosatılatının, al Abzal-Däuren Dostyarovtardı bosatu üşin qorğauşıları appelyaciyağa şağım tüsiru qajettigin habarladı.

Jaqtastarınıñ bosatıluın talap etip twrğan Dempartiya müşeleri. Almatı qalası. 18 qırküyek 2021 jıl. Foto: QT / Kültegin Aspanwlı

Sonımen qosa, departament basşısınıñ orınbasarı Äbdrahmanov qoğamdıq kölikterdi arnayı qwzırlı organdardıñ qızmetine tartılğanınan beyhabar ekenin mälimdep, mäseleniñ jay-japsarı men zañdılığı jöninde redakciyağa jauap beruge uäde berdi.

Jergilikti internet-baylanıstı bwğattauı mümkin policiyanıñ aqparattıq barlau köligi. Almatı qalası. 18 qırküyek 2021 jıl. Foto: QT / Kültegin Aspanwlı

Ädettegidey «formasız barlauşılar» missiyasın mültiksiz atqardı. Almatı qalası. 18 qırküyek 2021 jıl. Foto: QT / Kültegin Aspanwlı

Dempartiya bastamaşıl tobı jol boyında özge azamattardı eldegi sayasi ömirge aralasuğa jäne adam qwqıqtarınıñ bwzıluına beyjay qaramauğa ündep baqtı. Almatı qalası. 18 qırküyek 2021 jıl. Foto: QT / Kültegin Aspanwlı

Belsendilerge qwqıq qorğau organdarınıñ formadağı jäne formasız türli lauazımdağı qızmetkerleri erip jürdi. Qalt jibermey beyne-foto jazba jürgizdi. Almatı qalası. 18 qırküyek 2021 jıl. Foto: QT / Kültegin Aspanwlı

Abay dañğılınıñ boyımen ketip bara jatqan şeruşiler. Almatı qalası. 18 qırküyek 2021 jıl. Foto: QT / Kültegin Aspanwlı

Abay men Şoqannıñ eskertkişinen keyin Täuelsizdik monumentine kelip, arı qaray qalalıq PD ğimaratına bettegen dempartiyalıqtar. Almatı qalası. 18 qırküyek 2021 jıl. Foto: QT / Kültegin Aspanwlı

Almatı qalasınıñ Policiya departamenti aldına kelgen narazılar belsendilerdiñ bosatıluın talap etip otır. Almatı qalası. 18 qırküyek 2021 jıl. Foto: QT / Kültegin Aspanwlı

The Qazaq Times