Keşe, 5 tamız jeksenbide Auğanstan Wlttıq qarsılıq şebine jetekşilik etip otırğan Ahmed Masud mälimdeme taratıp, eger «Taliban» Panjşerden ketetin bolsa, öziniñ dini aqılşılarınıñ keñesine qwlaq asa otırıp, täliptermen kelissözge dayındalatının ayttı.
Ahmet Masud atalğan mälimdemesin Facebook paraqşasında mälimdegen bolatın. Bwl küni tälipter özderine bağınbağan soñğı provinciya Panjşerge üş taraptan şabuıl jasap, provinciya ortalığı Bazaraq qalasına qaray bet alğan edi.
Köptegen aqparat qwraldarı keşegi şayqasta Auğanstan Wlttıq qarsılıq şebiniñ resmi ökili Fahim Deştin men Masudtıñ tuısı general Abdul Vududtıñ tälipter jağınan öltirilgenin habarladı. Masud tarabı bolsa «Tvitter» arqılı «Talibannıñ» belgili komandirleriniñ birin atıp öltirgenin mälimdedi.
Masudtıñ mälimdemesinde, «Taliban» tarabı Panjşer men Andalabtağı qarulı şabuıldarın toqtatıp, şeginetin bolsa, Wlttıq qarsılıq küşteri de şabuıldı toqtatıp, twraqtılıqqa jetkizetin kelissözderge dayındalatının aytqan.
«Taliban» bwğan deyin de Wlttıq qarsılıq şebine jetekşilik etken Ahmed şah Masudtıñ wlı men bwrınğı vice-prezidentti birneşe ret qaru tapsırıp bağınuğa jäne beybit kelissözge keluge şaqırğan bolatın.
Iran äskeri elitasınıñ joyıluı: soğıstıñ jaña kezeñi
Hameneiden keyingi Iran: bilik tranziti men soğıs köleñkesindegi el
Irandağı soğıs örti: geosayasi dağdarıstıñ jaña kezeñi
Respublikaşıldar immigraciyalıq operaciyanı sınğa aldı, biraq Tramptı aşıq ayıptaudan tartındı
Irannıñ ruhani kösemi: soñğı narazılıqtar kezinde mıñdağan adam qaza taptı
Irandağı qantögis pen sırtqı qısım: Tramptıñ ekiwştı signalı