جامبىل وبلىسىنداعى اسكەري قويمانىڭ جارىلۋىنا بايلانىستى قىزمەتىنەن كەتكەن نۇرلان ەرمەكباەۆتىڭ ورنىنا ونىڭ ءبىرىنشى ورىنباسارى مۇرات بەكتانوۆ قورعانىس ءمينيسترى بولىپ تاعايىندالدى.
1965 جىلى تۋعان گەنەرال-لەيتەنانت مۇرات بەكتانوۆ 2020 جىلى 5 ساۋىردەن باستاپ قازاقستان قورعانىس ءمينيسترىنىڭ ءبىرىنشى ورىنداسارى – باس شتاب باستىعى قىزمەتىن اتقارعان، 2016-2019 جىلدارى قۇرلىق اسكەرىنىڭ باس قولباسشىسى بولعان.
پرەزيدەنت توقاەۆ قورعانىس ءمينيسترى قىزمەتىن اتقارعان نۇرلان ەرمەكباەۆتىڭ جامبىل وبلىسى بايزاق اۋدانىنداعى اسكەري قويما جارىلعاننان كەيىن وتستاۆكاعا جىبەرۋ جونىندە ءوتىنىشىن قابىلداعان.
26 تامىز كەشكىسىن جامبىل وبلىسى بايزاق اۋدانىنداعى №28349 اسكەري ءبولىمى اۋماعىنداعى وق-ءدارى ساقتالاتىن قويمادا جارىلىس بولدى. سالدارىنان 15 ادام قازا تاۋىپ، 98 ادام زارداپ شەككەن. وقيعا بولعان كەزدە حابار-وشارسىز كەتكەن ءبىر ادامدى ءالى ىزدەپ جاتىر. قاتتى دۇمپۋدەن جۇزدەن اسا تۇرعىن ءۇي ءبۇلىنىپ، مىڭداعان ادام ەۆاكۋاتسيالانعان.
جەكسەنبى، 29 تامىزدا – قازاقستان اسكەري قويماداعى جارىلىستان قازا تاپقانداردى ازا تۇتتى.
نۇرلان ەرمەكباەۆ بايزاق اۋدانىنداعى اسكەري قويماداعى وق-دارىلەر ارىس قالاسىنداعى اسكەري قويمادان اكەلىنگەنىن راستاعان. 2019 جىلى 24 ماۋسىمىندا ارىستاعى اسكەري وق-ءدارى قويماسى جارىلىپ، ءتورت ادام قازا تاپقان ەدى. جارىلىستان مىڭداعىن ءۇي زاقىمدانىپ، ارىستىڭ 40 مىڭنان استام تۇرعىنى شىمكەنت قالاسى مەن توڭىرەگىندەگى ەلدىمەكەندەرگە ەۆاكۋاتسيالانعان. قورعانىس ءمينيسترى نۇرلان ەرمەكباەۆ پەن ونىڭ ورىنباسارى مۇرات بەكتانوۆقا قوسا سوگىس جاريالانىپ، ارىس قالاسىنداعى اسكەري قويماعا جاۋاپتى 16 ادام ارادا ەكى جىل وتكەن سوڭ، بيىل شىلدەدە سوتتالعان.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟