Amerika Qwrama Ştattarı Auğanstannan azamattardı evakuaciyalaudı bügin tolığımen toqtatadı. Bwğan qosa AQŞ Memlekettik departamenti Auğanstandağı diplomatiyalıq qızmetin resmi türde toqtatqanın mälimdedi.
AQŞ mem. hatşısı Antoni Blinken resmi mälimdemesinde, Auğanstandağı diplomatiyalıq qızmeti Katar ortalıq qalası Dohağa köşirilgenin ayttı. Blinkenniñ baspasöz mälimdemesinen birer sağat bwrın ğana AQŞ Ortalıq qarulı küşteriniñ qolbasşısı General MakKenzi Auğanstandağı äskeri şeginisti tolıq ayaqtağandarın mälimdegen bolatın.
Blinken mälimdemesinde evakuaciya bastalğan 14 tamızdan beri qaray AQŞ tarabı 123 mıñğa juıq adamdı Auğanstannan alıp şıqqanın, onıñ 6 mıñnan astamı AQŞ azamatı ekenin ayttı.
Pentagon mälimetterine qarağanda soñğı 24 sağat işinde AQŞ äskeri jäne azamattıq wşaqtarı, sonday-aq odaqtas elderdiñ wşaqtarın paydalana otırıp Auğanstannan 1250 adamdı alıp şıqqan. Osımen evakuaciya operaciyasın tamamdağan. Jalpı mälimetke säykes 14 tamızdan beri qaray Auğanstannan 122 mıñ 600 adam şığarılğan. Olardıñ 117 mıñnan astamı AQŞ tarabınan evakuaciyalandı.
Äli de 100-ge juıq amerikalıq Auğanstanda qalğan boluı mümkin dep mälimdedi Blinken sözinde. «Äskeri missiyanı ayaqtadıq, jaña bir diplomatiyalıq missiyamız bastaldı. Aldımen osı missiyamızdı orındau üşin jedel top qwrıldı. Jaña jospardı aldağı uaqıtta Kongreske wsınatın bolamız», – dedi AQŞ memlekettik hatşısı.
AQŞ bas diplomatı sözinde Auğanstannan tolıq şıqqanımen Qwrama Ştattar tarabı Auğanstannan ketkisi keletin amerikalıq jäne auğanstandıq azamattarğa qoldaudı jalğastıratının jetkizgen.
Kiberşabuılğa wşırağan BAQ ökilderi qwqıq qorğau organdarına arız tüsirdi
Ortalıq Aziya: tarihi, sayasi jäne ekonomikalıq müddeler ayasında
Qırğızstanda täuelsiz Kloop basılımınıñ qırğız tilindegi saytı bwğattaldı
Reseydiñ Doneck oblısı Konstantinovka qalasındağı bazarğa şabuılınan 16 adam qaza taptı
Sadır Japarov Istıqköldegi tört pansionattı Özbekstanğa beru sebebin tüsindirdi
Pigojinniñ «Vagner» tobı Mäskeu tübine kelip şeginip ketti