Joyqın jarılıstan keyingi äskeri bölim. Foto: facebook.com/Marjan Raqay

Bügin, 28 tamızda Tötenşe jağdaylar ministrligi Jambıl oblısı Bayzaq audanında jarılıs bolğan äskeri bölimnen tağı bir adamnıñ denesi tabılğanın habarladı. Osılayşa joyqın jarılıs saldarınan qaza bolğandar sanı 13 adamğa jetti. 

Ministrliktiñ 28 tamızdağı aqparatına qarağanda, mäyiti keşe tabılğan 5 adamnıñ kim ekeni anıqtalğan. Al üş mäyittiñ kim ekeni äli belgisiz. Bwğan qosa, üş adam äli izdestirilip jatır.

Joyqın jarılıstan qaza bolğan 13 adamnıñ 10-ı belgili. Olar:

  1. Meşinbay Marat Saylauwlı, serjant;
  2. Janbolatov Ruslan Jürsinbaywlı, efreytor;
  3. Dalibaev Orazbek Dayrabekwlı, äskeri küzet qızmetkeri;
  4. Arman Qapezov, Oñtüstik öñirdiñ äskeri prokurorı;
  5. Erkin Erikbaywlı Nädirbekov, ört söndiru komandasınıñ bastığı, kelisim-şart qızmetiniñ starşinası;
  6. Temirbolatov Arnwr Serikwlı, ört söndiruşi-qwtqaruşı;
  7. Sandıbaev Eldos Qadırbaywlı, ağa ört söndiruşi-qwtqaruşı;
  8. Mikropulo Aleksandr Nikolaeviç,  ört söndiru kezekşi qızmetiniñ jedel kezekşisi;               
  9. Törebekov Täñibergen Kwdaybergenwlı, ört söndiruşi-qwtqaruşı;
  10. M.K.Aymanov, Jambıl oblısı TJD "ÖSjAQJQ" MM bastığınıñ orınbasarı;

26 tamız küni keşke Jambıl oblısı Bayzaq audanında Qorğanıs ministrligine qarastı äskeri bölimşeniñ qoymasınan ört şığıp, oq-däri jarılğan. Qorğanıs ministrliginiñ aqparatına qarağanda, kemi on jarılıs bolğan.

The Qazaq Times