Sport salasında sarapşı deñgeyine jetken käsibi jurnalist Amangeldi Seyithan. Foto: aşıq derekköz

Qazaq jurnalistikası qara jamıldı. Sport salasınıñ üzdik tilşisi Amangeldi Seyithan ömirden ötti.

Qazaq  televiziyasınıñ  ardageri, aqparat salasınıñ üzdigi, sport kommentatorı Amangeldi Seyithan 52 jasında dünieden ozdı. Ol keyingi eki aptada jansaqtau böliminde jatıp, koronavirustan köz jwmdı.

Marqwm 1969 jılı 11 mamırda Şığıs Qazaqstan oblısı Maqanşı audanında düniege kelgen. Eñbek jolın 1991jılı «Sport» gazetinde bastap, qazaq jurnalistikasınıñ sport salasın bir kisidey meñgergen ardagerge aynaldı. 1994 jılı «Qazaqstan» teleradiokorporaciyasında «Twğır» attı bağdarlama aşıp, jürgizuşisi bolğan. Keyin «Qwmsağat» bağdarlamasınıñ sporttıq aqparattar boyınşa prodyuseri atandı. 1997 jıldan «Habar» Agenttiginde qızmet atqardı.

Jurnalist kez kelgen sport şığarılımın «jeñisti künderde jolıqqanşa» dep ayaqtaytın ğaziz ğadetimen körermen ıqılasına bölengen edi.

Marqwmnıñ otbasına, tuğan-tuıstarına redakciya wjımınıñ atınan qayğırıp köñil aytamız.

The Qazaq Times