قازاق جۋرناليستيكاسى قارا جامىلدى. سپورت سالاسىنىڭ ۇزدىك ءتىلشىسى امانگەلدى سەيىتحان ومىردەن ءوتتى.
قازاق تەلەۆيزياسىنىڭ ارداگەرى، اقپارات سالاسىنىڭ ۇزدىگى، سپورت كوممەنتاتورى امانگەلدى سەيىتحان 52 جاسىندا دۇنيەدەن وزدى. ول كەيىنگى ەكى اپتادا جانساقتاۋ بولىمىندە جاتىپ، كوروناۆيرۋستان كوز جۇمدى.
مارقۇم 1969 جىلى 11 مامىردا شىعىس قازاقستان وبلىسى ماقانشى اۋدانىندا دۇنيەگە كەلگەن. ەڭبەك جولىن 1991جىلى «سپورت» گازەتىندە باستاپ، قازاق جۋرناليستيكاسىنىڭ سپورت سالاسىن ءبىر كىسىدەي مەڭگەرگەن ارداگەرگە اينالدى. 1994 جىلى «قازاقستان» تەلەراديوكورپوراتسياسىندا «تۇعىر» اتتى باعدارلاما اشىپ، جۇرگىزۋشىسى بولعان. كەيىن «قۇمساعات» باعدارلاماسىنىڭ سپورتتىق اقپاراتتار بويىنشا پروديۋسەرى اتاندى. 1997 جىلدان «حابار» اگەنتتىگىندە قىزمەت اتقاردى.
جۋرناليست كەز كەلگەن سپورت شىعارىلىمىن «جەڭىستى كۇندەردە جولىققانشا» دەپ اياقتايتىن عازيز عادەتىمەن كورەرمەن ىقىلاسىنا بولەنگەن ەدى.
مارقۇمنىڭ وتباسىنا، تۋعان-تۋىستارىنا رەداكتسيا ۇجىمىنىڭ اتىنان قايعىرىپ كوڭىل ايتامىز.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
Oyan, Qazaqstan قوزعالىسىنىڭ تاعى ءبىر بەلسەندىسىن پوليتسيا بولىمىنە شاقىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
ەكس-مينيستر ايەلىن ساباپ ءولتىردى دەگەن كۇدىكپەن ۇستالدى