قازاقستاننىڭ اۋعانستانداعى ەلشىلىگى قىزمەتىن ءارى قاراي جالعاستىرا بەرەدى. بۇل تۋرالى قازاقستان سىرتقى ىستەر مينيسترلىگىنىڭ مالىمەتىنە سۇيەنگەن ازاتتىق راديوسى جازدى.
ديپلوماتيالىق ۆەدومستۆونىڭ رەسمي وكىلى ايبەك سمادياردىڭ ازاتتىققا ايتۋىنا قاراعاندا، اۋعانستانداعى جاعدايعا بايلانىستى ەلشىلىك قىزمەتكەرلەرى ازايتىلعان، بىراق ەلشى مەن تاعى بىرنەشە قىزمەتكەر ءالى جۇمىس ىستەپ جاتىر.
"ەلشىلىكتى الىپ كەتۋگە دە مۇمكىندىگىمىز بار. بىراق باسشىلىق شەشىمى بويىنشا ولار قالاتىن بولدى. جاعداي قاتتى ۋشىقسا، شەشىم وزگەرۋى مۇمكىن" دەدى سماديار.
بۇعان دەيىن اقوردا پرەزيدەنت قاسىم-جومارت توقاەۆ، ۇكىمەت باسشىسى جانە ۇقك جەتەكشىلەرى اۋعانستان ماسەلەسىنە قاتىستى شۇعىل جيىنالعانىن حابارلاعان. وتىرىستا اۋعانستانداعى جاعداي مەن وعان قاتىستى شۇعىل شارالار تۋرالى تالقىلاندى دەلىندى. اقوردا سايتىندا جاريالانعان حابارلاماعا قاراعاندا، اۋعانىستان ماسەلەسىنە قاتىستى جيىنعا قاتىسقانداردىڭ اراسىندا قاۋىپسىزدىك كەڭەسىنىڭ توراعاسى، ەلدىڭ ەكس-پرەزيدەنتى نۇرسۇلتان نازارباەۆ جوق.
كەيىنگى كۇندەرى "تاليبان" قوزعالىسى اۋعانستانداعى ءىرى قالالاردى باسىپ الا باستادى. جالالاباد، مازاري-شاريف سياقتى ءىرى قالالارى مەن ەل استاناسى كابۋل قالاسىنى تالىپتەردىڭ باقىلاۋىنا وتكەن. ەل پرەزيدەنتى اشراف عاني شەتەلگە كەتىپ قالعان.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟