Prezident sarayın tälipter baqılauına aldı. Foto: Forbes,

Keşe keşke qaray "Taliban" islam qozğalısı resmi mälimdemesinde Kabuldağı prezident sarayın özderine qaratqanın mälimdegen. Osıdan säl ğana bwrın prezident Aşraf Ğanidıñ elden şığıp ketkeni turalı aqparattar tarağan edi. 

Auğanstandağı BBC tilşisiniñ mälimetine qarağanda, ükimet pen "Taliban" arasındağı kelisim boyınşa Aşraf Ğani bilikti beybit türde ötkizip beru saltanatına qatısuı kerek bolğan. Biraq, oğan qaramastan prezident Ğani men onıñ jaqın kömekşileri elden şığıp ketken. Prezident kömekşileri qızmetkerlerge saraydan şığıp ketu turalı nwsqau bergen. Köp ötpey tälipter "Reyter" agenttigine prezident sarayın baqılauğa alğanın mälimdedi.

Bwdan on kün bwrın ötken bir kezdesude elden ketip qalğan Auğanstannıñ bwrınğı şahı turalı söz etip, özi elden qaşpaytının aytqan edi. Resey elşiliginen bastap prezidenttiñ elden şığıp ketkeni turalı mälimetter tarap jatqan twsta Auğanstannıñ bwrınğı prezidenti Hamid Karzay äleumettik jeli arqılı halıqqa ündeu jasadı.

Bwrınğı prezident Hamid Karzay video ündeu tarattı. Foto: FB

"Biz elimizdiñ jäne astanamızdıñ jaña mäseleleri jaqsı jaqqa qaray şeşiledi dep ümittenemiz, – degen Karzay sözinde, – Men Taliban Islam qozğalısı küşterin auğanstandıqtardıñ ömiri men mal-mülkine qamsızdauğa şaqıramın. Bizdiñ qauipsizdik küşterin de, "Taliban" qauipsizdik küşterin de meyli qay jerde bolsa da adamdardıñ ömiri men mülkine köñil böluge şaqıramın", – degen ündeuin Karzay "Feysbu" jelisinde video arqılı jasadı. Üş qızımen birge twrıp jasağan joldauında ol öziniñ Kabuldan ketpegenin, eliniñ bolaşağın jarqın boladı dep senetinin de aytqan.

Eldegi NATO küşteriniñ resmi mälimetine say qazir Kabuldan wşıp şığatın barlıp kommerciyalıq äue reysteri toqtatılğan. Kabul halıqaralıq äuejayında tek äskeri wşaqtar ğana wşıp qonuda.

The Qazaq Times