پرەزيدەنت سارايىن تالىپتەر باقىلاۋىنا الدى. فوتو: Forbes,

كەشە كەشكە قاراي "تاليبان" يسلام قوزعالىسى رەسمي مالىمدەمەسىندە كابۋلداعى پرەزيدەنت سارايىن وزدەرىنە قاراتقانىن مالىمدەگەن. وسىدان ءسال عانا بۇرىن پرەزيدەنت اشراف عانيدىڭ ەلدەن شىعىپ كەتكەنى تۋرالى اقپاراتتار تاراعان ەدى. 

اۋعانستانداعى BBC ءتىلشىسىنىڭ مالىمەتىنە قاراعاندا، ۇكىمەت پەن "تاليبان" اراسىنداعى كەلىسىم بويىنشا اشراف عاني بيلىكتى بەيبىت تۇردە وتكىزىپ بەرۋ سالتاناتىنا قاتىسۋى كەرەك بولعان. بىراق، وعان قاراماستان پرەزيدەنت عاني مەن ونىڭ جاقىن كومەكشىلەرى ەلدەن شىعىپ كەتكەن. پرەزيدەنت كومەكشىلەرى قىزمەتكەرلەرگە سارايدان شىعىپ كەتۋ تۋرالى نۇسقاۋ بەرگەن. كوپ وتپەي تالىپتەر "رەيتەر" اگەنتتىگىنە پرەزيدەنت سارايىن باقىلاۋعا العانىن مالىمدەدى.

بۇدان ون كۇن بۇرىن وتكەن ءبىر كەزدەسۋدە ەلدەن كەتىپ قالعان اۋعانستاننىڭ بۇرىنعى شاحى تۋرالى ءسوز ەتىپ، ءوزى ەلدەن قاشپايتىنىن ايتقان ەدى. رەسەي ەلشىلىگىنەن باستاپ پرەزيدەنتتىڭ ەلدەن شىعىپ كەتكەنى تۋرالى مالىمەتتەر تاراپ جاتقان تۇستا اۋعانستاننىڭ بۇرىنعى پرەزيدەنتى حاميد كارزاي الەۋمەتتىك جەلى ارقىلى حالىققا ۇندەۋ جاسادى.

بۇرىنعى پرەزيدەنت حاميد كارزاي ۆيدەو ۇندەۋ تاراتتى. فوتو: فب

ء"بىز ەلىمىزدىڭ جانە استانامىزدىڭ جاڭا ماسەلەلەرى جاقسى جاققا قاراي شەشىلەدى دەپ ۇمىتتەنەمىز، – دەگەن كارزاي سوزىندە، – مەن تاليبان يسلام قوزعالىسى كۇشتەرىن اۋعانستاندىقتاردىڭ ءومىرى مەن مال-مۇلكىنە قامسىزداۋعا شاقىرامىن. ءبىزدىڭ قاۋىپسىزدىك كۇشتەرىن دە، "تاليبان" قاۋىپسىزدىك كۇشتەرىن دە مەيلى قاي جەردە بولسا دا ادامداردىڭ ءومىرى مەن مۇلكىنە كوڭىل بولۋگە شاقىرامىن", – دەگەن ۇندەۋىن كارزاي "فەيسبۋ" جەلىسىندە ۆيدەو ارقىلى جاسادى. ءۇش قىزىمەن بىرگە تۇرىپ جاساعان جولداۋىندا ول ءوزىنىڭ كابۋلدان كەتپەگەنىن، ەلىنىڭ بولاشاعىن جارقىن بولادى دەپ سەنەتىنىن دە ايتقان.

ەلدەگى ناتو كۇشتەرىنىڭ رەسمي مالىمەتىنە ساي قازىر كابۋلدان ۇشىپ شىعاتىن بارلىپ كوممەرتسيالىق اۋە رەيستەرى توقتاتىلعان. كابۋل حالىقارالىق اۋەجايىندا تەك اسكەري ۇشاقتار عانا ۇشىپ قونۋدا.

The Qazaq Times