بيىل الماتى قالاسىندا 300 مىڭعا تارتا وقۋشى 287 (207-ءسى مەملەكەتتىك، 80-ءى جەكە مەنشىك) جالپى ءبىلىم بەرەتىن مەكتەپكە بارادى. 30 مىڭداي بالا ءبىرىنشى سىنىپقا اياق باسقالى جاتىر. الماتىلىق وقۋشىلار پاندەميا جاعدايىنداعى ءۇشىنشى وقۋ جىلىن قالاي وتكىزبەك؟
12 تامىزدا الماتى قالاسىنىڭ ءبىلىم باسقارماسى باسشىسى ءلاززات جىلقىباەۆا وكق الاڭىندا وتكەن بريفينگتەرەداكتسيا تىلشىسىنە جاڭا وقۋ جىلىنداعى مەكتەپتەردەگى وقۋ پروتسەسىنىڭ ۇيىمداستىرىلۋى جايلى سۇراقتارعا جاۋاپ بەردى.
«قالا مەكتەپتەرىندە جۇمىس ىستەيتىن اكىمشىلىك ءبولىم ماماندارىن قوسا العاندا 36 845 قىزمەتكەر بار. ونىڭ ىشىندە 32 126 مامان ەكپە العان، ال وزگە 4719 قىزمەتكەر دەنساۋلىق جاعدايىنا بايلانىستى ۆاكتسينا سالدىرماعان»، – دەپ حابارلادى باسقارما باسشىسى.
جىلقىباەۆانىڭ ايتۋىنشا، مەكتەپكە بوگدە ادامدار كىرگىزىلمەيدى. ال اتا-انالار مەن وقۋشىنىڭ جاقىندارى Ashyq جوباسى ارقىلى كىرە الادى. ەگەر مۇعالىم اۋىرا قالعان جاعدايدا پەداگوگيكالىق باعىتتاعى جوو ستۋدەنتتەرى جانە رەزەرۆتەگى مامانداردىڭ ەسەبىنەن ءبىلىم بەرۋ پروتسەسى جالعاساتىن بولادى.
اتا-انالارى ەكپە الماعان جاعدايدا وقۋشىلار مەكتەپكە قابىلدانبايدى دەگەن تالاپ جوق. داستۇرلى وقىتۋ فورماتىنا وتەتىن 1-11 سىنىپ وقۋشىلارى سانيتارلىق نورمالاردى ساقتاۋى كەرەك. مەكتەپتەر قاجەتىنە قاراي مۇقتاج وتباسىلاردان شىققان وقۋشىلارعا جەكە گيگيەنالىق قورعانىس قۇرالدارىنىڭ قاتارىنان مەديتسينالىق بەتپەردە مەن انتيسەپتيك تەگىن تاراتىلاتىن بولادى.
الماتى قالاسىنىڭ ءبىلىم باسقارماسى باسشىسى ءلاززات جىلقىباەۆا. 12 تامىز 2021 جىل. فوتو: الماتى قالاسى وكق
«وقۋشى اۋىرعان جاعدايدا سىنىپ قاشىقتىقتان وقىتۋعا جىبەرىلەدى. ەگەر بالانىڭ وتباسى مۇشەلەرىنىڭ ءبىرى يا اتا-اناسى كوروناۆيرۋسقا شالدىقسا نەمەسە بايلانىستا بولسا، وندا وقۋشى قاشىقتىقتان ءبىلىم الادى. ءبىلىم وشاعىندا بۇقارالىق ءىس-شارالار وتپەيدى. ءار سىنىپقا جەكە كابينەت بەكىتىلەدى. باستاۋىش، ورتا جانە جوعارى بۋىن بالالارى ءۇشىن مەكتەپكە جەكە كىرۋ ەسىكتەرى قامتاماسىز ەتىلەدى (بالالاردى الەۋمەتتىك قاشىقتىقتى ساقتاۋ ماقساتىندا مەكتەپكە ءارتۇرلى كىرەبەرىستەردەن جىبەرەتىن بولادى), سونداي-اق عيمارات ىشىندە بالالار فويە مەن دالىزدەردە بەلگىلەرى كورسەتىلگەن بلوكتار بويىنشا جۇرەتىن بولادى»، – دەدى ول.
بارلىق ءبىلىم بەرۋ ۇيىمىندا كوپشىلىككە ورتاق سانيتارلىق قۇرال-بۇيىمدار مەكتەپ بيۋدجەتى تاراپىنان 100% قامتىلماق. سونىمەن قوسا، مەكتەپ فورماسىنا قويىلاتىن تالاپ ساقتالا بەرەدى، بۇل رەتتە كلاسسيكالىق ستيلدەگى ىڭعايلى كيىممەن كەلۋگە رۇقسات ەتىلەدى.
كەيىنگى ەكى اپتادا الماتى قالاسىندا 1778 بالادان كوروناۆيرۋس انىقتالعان. 1738 وقۋشى ۇيدە، ال 40 بالا ستاتسيونارلىق اۋرۋحانادا ەمدەلىپ جاتىر.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟