Auğan ükimet küşteri Qwndız qalası üşin şayqas üstinde. Foto: REUTERS.

Ötken aptada «Taliban» Auğanstandağı strategiyalıq mañızğa ie provinciya ortalıqtarına şabuıl bastağan bolatın. Apta soñında ükimet küşteri men tälipter arasındağı osı provinciya ortalıqtarına talas qaqtığıstarı swrapıl jürdi. Nätijesinde tälipterdiñ 5 provinciya ortalıq basıp alğanı habarlanuda.

Ayta ketu kerek, Auğanstanda ötken apta soñında bolğan qaqtığıstıñ nätijesi turalı aqparattar aluan türli. Batıs aqparat qwraldarı Qwndız, Sar-e-Pul, Talokan sekildi 5 provinciya ortalıqtarı tälipterdiñ qolına ötti dep mälimdese, jergilikti resmiler taratqan mälimetterde bwl provinciya ortalıqtarınıñ keybiri äli de talas üstinde ekeni, ükimet küşteri öz baqılauın joğaltpağanın aytadı.

Qwndız qalalıq keñesiniñ törağası Muhammed YUsuf jeksenbi küngi mälimdemesinde, tälipterdiñ Qwndız qalasına şauıl jasağanın rastadı. Alayda, onıñ aytuınşa «Taliban» küşteri qalanıñ tek keybir aumaqtarına ğana ielik etip twr.

AQŞ bastağan şetel küşteri elden şığarıla bastağan kezde Auğanstanda işki qaqtığıs küşeyip ketti. Tälipter jağı «äl-Jazira» arnası arqılı Qwrama Ştattarğa eskertu jasap, bwdan bılay auğan jerine qol salmauı kerek dedi.

“The Qazaq Times”