Erkin küres baluanı Daniyar Qaysanov (kök kiimde) Tokiodağı olimpiadanıñ jartılay finalında eki dürkin älem çempionı Zaurbek Sidakovpen (Resey) küresip jatqan sät. Foto: Reuters / Leah Millis

Tokio olimpiadasında erkin küresten 74 keli salmaqta küresken Qazaqstan baluanı Daniyar Qaysanov jüldesiz qaldı. Ol 6 tamız küni üşinşi orın üşin ötken beldesude  älem çempionatınıñ eki dürkin qola jüldegeri özbekstandıq Bekzod Abdurahmonovtan taza jeñildi. 

Qaysanov 8/1 finalda japaon Keisuke Otoguronı, şirek finalda egipettik Amr Reda Hussendi jeñgen. Biraq jartılay finalda eki dürkin älem çempionı reseylik Zaurbek Sidakovtan jeñilip, qola jüldege talasuğa mümkindik alğan edi.

28 jastağı Daniyar Qaysanov – Şığıs Qazaqstan oblısınıñ tuması. Ol 2019 jılı Qazaqstan astanasında ötken älem çempionatında üşin orın alğan. Bwdan bölek, Qaysanovta Aziyanıñ eki dürkin çempionı, Aziya oyındaranıñ kümis jüldegeri degen ataq bar.

Tokio olimpiadasına erkin küresten Qazaqstan atınan bes baluan qatıstı. Keşe, 5 tamızda 57 kelide küresken Nwrislam Sanaev qola jülde enşiledi. Al YUsup Batırmurzaev (125 keli) alğaşqı aynalımda germaniyalıq Gennadiy Çudinoviçtan jeñilip, jüldesiz qaldı. Däulet Niyazbekov (74 keli) pen Älişer Erğali (97 keli) şirek finalda jeñildi. Niyazbekov ese jibergen Äzirbayjan baluanı Gadji Aliev finalğa şıqtı. Endi qazaqstandıq baluan qola jüldege talasu üşin jwbanış beldesuinde jeñiske jetui kerek. Onıñ qarsılası - senagaldıq Adama Diatta. Niyazbekov Senagal baluanın jeñse, üşinşi orınğa Badjrang Puniyamen (Ündistan) talasadı.

Tokio olimpiadasında Qazaqstan qwramasınıñ enşisinde 7 medal' bar. Onıñ barlığı da. Jülde alğan sportşılar: dzyudoşı Eldos Smetov, auır atletter Zülfiya Çinşanlo men Igor' Son, boksşılar Qamşıbek Qoñqabaev pen Säken Bibosınov, karateşi Darhan Asadilov, jäne erkin küres baluanı Nwrislam Sanaev.

"The Qazaq Times"