Bokstan Qazaqstan erler qwramasınıñ bas jattıqtıruşısı Ğalımbek Kenjebaev. Foto: kfb.kz

Bokstan Qazaqstan erler qwramasınıñ bas bapkeri Ğalımbek Kenjebaevtıñ qızmetinen ketu-ketpeui äli belgisiz. Bwl turalı 5 tamız keşke Ortalıq kommunikaciyalar qızmetinde ötken brifing barasında aytıldı.

Tilşi: Qazaqstan boksşıları öz tarihında alğaş ret olimpiadadan altın medal' ala almadı. Osını eskerip, bas bapkerlikten öz erkiñizben ketu oyıñızda bar ma?

Ğalımbek Kenjebaev: Endi... onday oy ärine... Jaña Serik Säpiev ayttı, men... onday oy ärine bar. Endi onıñ barlığın.. qazir basşılar jinaladı. Solardıñ bärin tıñdap... endi... solar şeşimge keledi

Tilşi: Basşılıq sizdi bas jattıqtıruşı retinde qaldıru jaylı şeşim şığarsa, soğan kelisesiz be?

Ğalımbek Kenjebaev: Endi onı basşılar şeşedi. Biraq men onday swraqqa sizge...

(Otstavka jaylı qoyılğan swraqtıñ uaqıtı 33:45)

Kenjebaev otstavkası jaylı swraq qoyılğanda kibirtiktep, naqtı jauap bergen joq. Sol sätte brifing moderatorı da jurnalistiñ özi qoyğan swrağına dwrıstap jauap aluına mwrsat bermey, sözin bölip tastadı.

Jazğı olimpiada oyındarına 1996 jıldan beri jeke el retinde qatısıp kele jatqan Qazaqstan bokstan kem degende bir altın alatın. Biraq Tokioda Qazaqstan boksşıları eki qola jülde ğana enşiledi. Bwl Kenjebaev jattıqtırğan qwramanıñ alğaşqı antirekordı emes.  Biıl mamırda Dubayda ötken Aziya çempionatında Qazaqstan boksşıları 2002  jıldan beri eseptegende alğaş ret altın medal' ala almay qalğan bolatın.

Ğalımbek Kenjebaev – 2018 jıldıñ jeltoqsanınan beri bokstan erler qwramasınıñ bas bapkeri. Onıñ jattıqtıruımen Qazaqstan boksşıları tört iri jarısqa qatısı. 2019 jılı Aziya çempionatında Kenjebaevtıñ şäkirtteri 2 altın, 2 kümis, 3 qola jülde enşilep, komandalıq esepte bastı qarsılası Özbekstannan qalıp qoydı. Al sol jılı ötken älem birinşiliginde Qazaqstan boksşıları 1 altın, 1 kümis, 4 qola medal' oljalap, komandalıq esepte Özbekstan men Reseyden qalıp, üşinşi orın ielendi. Biıl mamırda ötken Aziya çempionatında 5 kümis, 1 qola medal' alğan Qazaqstan qwraması jalpı esepte nebarı törtinşi orınğa twraqtadı. Tokioda ötip jatqan olimpiadada eki qolamen ğana şektelgen Qazaqstan äzirge 10-orında twr.

"The Qazaq Times"