Baluan Nwrislam Sanaev. Foto: Reuters

Tokio olimpiadasında erkin küresten 57 keli salmaqta küresken qazaqstandıq baluan Nwrislam Sanaev qola medal' ielendi. Ol üşinşi orınğa talasta bolgariyalıq Georgi Valentinov Vangelovti jeñdi.

Sanaev Tokio olimpiadasında alğaşqı aynalımda Fafe Diamantinonı (Gvineya-Bisau), şirek finalda 2017 jılğı älem çempionı japon YUki Takahasidi jeñgen. Biraq jartılay finalda ündistandıq Ravi Kumardı jeñip twrıp, soñğı sätte qarsılasına ese jiberip qoydı.

Tokioda erkin küresten Qazaqstannıñ tağı bir baluanı Daniyar Qaysanov (74 kg) qola medal'ğa talasadı. Ol jartılay finalda reseylik Zaurbek Sidakovtan jeñildi.

30 jastağı Nwrislam Sanaev Reseydiñ Tuva respublikasında tuğan. Azan şaqırıp qoyğan esimi - Artas Sanaa. 2014 jılı Qazaqstan azamattığın alıp, osı eldiñ atınan jarıstarğa qatısa bastağan. Qazaqstanğa auısqanda esimin Nwrislam Sanaev dep özgertken.

Ol 2018 jılğı älem çempionatınıñ kümis, 2019 jılğı älem birinşiliginiñ qola jüldegeri. 2018 jılğı Aziya çempionı.

Bwl - Qazaqstannıñ Tokio olimpiadasındağı altınşı qola medali. Osığan deyin dzyudoşı Eldos Smetov, auır atletter Zülfiya Çinşanlo men Igor' Son, boksşılar Qamşıbek Qoñqabaev pen Säken Bibosınov Tokioda qola jülde ielengen.

"The Qazaq Times"