Foto: morefactov.ru

Ündistan - alkogol'di işimdikterdi eñ köp twtınatın elderdiñ biri bolıp tabıladı. Tipti işimdik işkender rölge otırıp, äkimşilik jauapkerşilikten de eş qaşıp otırğan joq. Sodan elde mas küyinde kölik aydap, öziniñ jäne özgeniñ ajalınıñ sebepşisi bolıp jatatın jağdaylardıñ sanı artqan.

2017 jılı el biligi osı zañbwzuşılıqtıñ aldın alu üşin, zañnamağa jaña özgertuler engizip otır. Jaña zañğa säykes jürgizuşiniñ köñilin audaratın, jäne işimdik zattarı satılatın bar, klub, sırahana jäne basqa da köñil köteretin orındar  kölikter qatınaytın ülken trassalardan keminde 500 metr qaşıqtıqta ornalasuı qajet. Bwl zañnıñ köptegen mekemelerdiñ qaltasın qağıp, käsibin toqırauğa wşıratatını belgili.

Ündistandıq bir käsipker jeke käsibiniñ jaña zañ normalarına say kelmeytinin bilgen soñ erekşe äreketke barğan. Onıñ sırahanası joldıñ boyında ornalasqan. Al basqa jerge köşu üşin ülken qarjı qajet jäne twraqtı keluşilerin de joğaltıp alatın bolğasın zañnıñ aldın oraudı oylastırğan.

Ol sırahanasınıñ aldına 520 metrlik labirint jasap aldı. Söytip, keluşilerge sırahanağa kiru üşin 520 metrdi jürip ötuge tura keledi. Zañ organdarınıñ ökilderi sırahananıñ iesine eşqanday sın ayta almay otır. Öytkeni, zañğa säykes, sırahana joldan 500 metrden kem emes qaşıqtıqta ornalasqan. Büginde sırahananıñ twraqtı keluşileri köbeygen, köbine 520 metrlik labirintten jürip ötu qızıqqa aynaldı. Söytip, ündistandıq käsipker öz käsibin saqtap qana almay, zañnıñ aldın orap, keluşilerin de köbeytti.

“The Qazaq Times”