Izrail'dik Pegasus tıñşılıq bağdarlamasınıñ kömegimen kiberañduğa wşırağan boluı mümkin delingen tizimde qazaqstandıq tağı üş adamnıñ telefonı bar ekeni anıqtaldı. 

Jemqorlıq pen wyımdasqan qılmıstı zertteu ortalığı (OCCRP) saytındağı aqparatqa säykes, kiberañduğa tömendegi adamdar wşırağan boluı mümkin:

  • Vladimir Bojko, mäjilistiñ bwrınğı deputatı, wlttıq qauipsizdik komitetiniñ bwrınğı törağası, bwrınğı tötenşe jağday ministri;
  • Sauat Mıñbaev, "Qazaqstan temir jolı" wlttıq kompaniyasınıñ bwrınğı basşısı, bwrın prezident äkimşiligin basqarğan, vice-prem'er, auıl şaruaşılığı ministri, energetika ministri bolğan, qazir industriya jäne sauda ministri.
  • Äset Esekeşev, qazir Qauipsizdik qızmetiniñ hatşısı, bwrın prezident äkimşiligin basqarğan. Prem'er-ministrdiñ orınbasarı, astana äkimi bolğan, industriya jäne jaña tehnologiya ministri qızmetin atqarğan.

OCCRP mälimetinşe, atalğan şeneunikterdiñ telefonı 2018 jılı tıñdalğan boluı mümkin.

Bwğan deyin OCCRP Pegasus-pen tıñdalğan boluı mümkin birqatar qazaqstandıqtıñ atı-jönin atağan. Kibertıñşılıqqa wşıradı delingen adamdar qatarında Mwhtar Äblyazov, qazaqstandıq oligarh Bolat Ötemwratov, Nazarbaevtıñ ortanşı küyeubalası Timur Qwlıbaevtıñ jieni Älibek Qwlıbaev, Almatı äkimi Baqıtjan Sağıntaev, sonımen birge prezident Qasım-Jomart Toqaev, prem'er-ministr Asqar Mamin de bar.

"The Qazaq Times"