Qamauda köp qiındıq körgen azamattıq belsendi Äset Äbişev. Foto: Azattıq radiosı / Qazis Toğızbaev

Bügin, 29 şildede tañerteñ birneşe adam "sayasi twtqın" Äset Äbişevti qarsı alu üşin Almatı oblısı Zareçnıy eldi mekenindegi LA-155/14 mekemesiniñ aldına bir top adam jinaldı. Alayda Äbişevti bostan joq. Bwl jaylı Azattıq radiosı habarladı.

Basılımnıñ jazuınşa, jedel böliminiñ bastığı, kapitan Nwrlan Bidaybekov jinalğandarğa "sot şeşimi erteñ küşine enedi, Äbişev erteñ bosap şığadı" dep habarlağan.
Biraq soğan qaramastan jinalğan top "onı bosatıp qalar" dep taramay twrdı.

Eki apta bwrın Almatı oblısı Qapşağay qalasınıñ sotı Äset Äbişevtiñ merziminen bwrın bosap şığu turalı ötinişin qanağattandırğan. Sol kezde sot şeşimi 15 künnen keyin küşine enedi dep aytılğan edi. Belsendi Äset Äbişev "qılmıstıq wyımdı qarjılandırdı" jäne "tıyım salınğan wyımnıñ jwmısına qatıstı" (naqtı jağdayda "Qazaqstannıñ demokratiyalıq tañdauı" qozğalısı, onı Qazaqstan sotı ekstremistik wyım dep tanığanmen Europarlament beybit oppoziciyalıq wyım dep atağan) degen ayıppen 2018 jılğı qaraşa ayında tört jılğa bas bostandığınan ayırğan.

Qazaqstandıq qwqıq qorğauşılar belsendiniñ sayasi sebeppen qudalanğanın aytıp, onı "sayasi twtqındar" tizimine engizgen. Bilik elde "sayasi twtqın" barın joqqa şığaradı.
Bwğan deyin qwqıq qorğauşılar Äset Äbişevti dereu bosatudı talap etken.

Bir top amerikalıq senator bıltır mausım ayında Qazaqstan biligin közqarasın aşıq aytıp, qamalğan azamattardı dereu bosatuğa şaqırğan. Hatta Äset Äbişevtiñ de atı ataldı.
Äset Äbişev 2,5 jıldan astam uaqıt qamauda boldı.

"The Qazaq Times"