بۇگىن، 29 شىلدەدە تاڭەرتەڭ بىرنەشە ادام "ساياسي تۇتقىن" اسەت ابىشەۆتى قارسى الۋ ءۇشىن الماتى وبلىسى زارەچنىي ەلدى مەكەنىندەگى لا-155/14 مەكەمەسىنىڭ الدىنا ءبىر توپ ادام جينالدى. الايدا ابىشەۆتى بوستان جوق. بۇل جايلى ازاتتىق راديوسى حابارلادى.
باسىلىمنىڭ جازۋىنشا، جەدەل ءبولىمىنىڭ باستىعى، كاپيتان نۇرلان بيدايبەكوۆ جينالعاندارعا "سوت شەشىمى ەرتەڭ كۇشىنە ەنەدى، ابىشەۆ ەرتەڭ بوساپ شىعادى" دەپ حابارلاعان.
بىراق سوعان قاراماستان جينالعان توپ "ونى بوساتىپ قالار" دەپ تاراماي تۇردى.
ەكى اپتا بۇرىن الماتى وبلىسى قاپشاعاي قالاسىنىڭ سوتى اسەت ابىشەۆتىڭ مەرزىمىنەن بۇرىن بوساپ شىعۋ تۋرالى ءوتىنىشىن قاناعاتتاندىرعان. سول كەزدە سوت شەشىمى 15 كۇننەن كەيىن كۇشىنە ەنەدى دەپ ايتىلعان ەدى. بەلسەندى اسەت ابىشەۆ "قىلمىستىق ۇيىمدى قارجىلاندىردى" جانە "تىيىم سالىنعان ۇيىمنىڭ جۇمىسىنا قاتىستى" (ناقتى جاعدايدا "قازاقستاننىڭ دەموكراتيالىق تاڭداۋى" قوزعالىسى، ونى قازاقستان سوتى ەكسترەميستىك ۇيىم دەپ تانىعانمەن ەۋروپارلامەنت بەيبىت وپپوزيتسيالىق ۇيىم دەپ اتاعان) دەگەن ايىپپەن 2018 جىلعى قاراشا ايىندا ءتورت جىلعا باس بوستاندىعىنان ايىرعان.
قازاقستاندىق قۇقىق قورعاۋشىلار بەلسەندىنىڭ ساياسي سەبەپپەن قۋدالانعانىن ايتىپ، ونى "ساياسي تۇتقىندار" تىزىمىنە ەنگىزگەن. بيلىك ەلدە "ساياسي تۇتقىن" بارىن جوققا شىعارادى.
بۇعان دەيىن قۇقىق قورعاۋشىلار اسەت ابىشەۆتى دەرەۋ بوساتۋدى تالاپ ەتكەن.
ءبىر توپ امەريكالىق سەناتور بىلتىر ماۋسىم ايىندا قازاقستان بيلىگىن كوزقاراسىن اشىق ايتىپ، قامالعان ازاماتتاردى دەرەۋ بوساتۋعا شاقىرعان. حاتتا اسەت ابىشەۆتىڭ دە اتى اتالدى.
اسەت ابىشەۆ 2,5 جىلدان استام ۋاقىت قاماۋدا بولدى.
يرانداعى قانتوگىس پەن سىرتقى قىسىم: ترامپتىڭ ەكىۇشتى سيگنالى
كونستيتۋتسيا تاعى وزگەرمەك: رەفورما ما، الدە بيلىكتى قايتا قۇراستىرۋ ما؟
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى
ايزات جۇمانوۆانىڭ ءولىمى: بۇگىن ۇكىم وقىلدى، ايىپتالۋشى 14 جىلعا سوتتالدى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى