![](https://qazaqtimes.com/kk/content/uploads/2020/03/zhzhzh-800x480.jpg?token=954200ca4659fb68678dcd4a2e5e5101)
Qazaqstandıq telearnalar Tokio Olimpiadasınan körsetetin boldı. Bwl turalı Olimpiada oyındaranıñ aşılu saltanatına bir sağattay uaqıt qalğanda «Qazaqstan» RTRK» AQ baspasöz qızmeti habarladı.
Aqparatqa qarağanda, Qazaqstan tarabı Olimpiada oyındarınıñ translyaciyasına qatıstı japoniyalıq «Dentsu Inc» kompaniyasımen kelisimge kelgen. Biraq translyaciya qwnı qanşa ekeni aytılmadı.
«Qazaqstan» teleradiokorporaciyası men «Habar» agenttigi» AQ el aumağında Tokio Olimpiadasın jäne 2022 jılğı Pekinde ötetin Qısqı Olimpiada oyındarın körsetu qwqığın ielendi. Kelisimşart qorıtındısı boyınşa translyaciya qwnın qolaylı bağada satıp alu turalı ortaq mämilege qol jetkizlidi. Qazaqstandıqtar 23 şilde men 8 tamız aralığında Tokioda ötetin Jazğı Olimpiada oyındarın «Qazaqstan», «Qazsport» jäne «Habar» telearnalarınan tikeley efirde köre aladı» delingen habarlamada.
Bwğan deyin Qazaqstan biligi "Olimpiada oyındarın tikeley efirde taratu qwqığına ie kompaniyamen kelissöz jürgizip jatırmız, qwqıq iesi translyaciya licenziyasınıñ qwnın qımbattatıp jibergen, kelissöz jalğasıp jatır" dep mälimdegen.
Olipiadanıñ aşılu saltanatı, 23 şilde astana uaqıtımen sağat 17.00-de bastaladı. Saltanattı räsim Tokio wlttıq stadionında ötedi. Şarağa älemniñ 205 eliniñ sportşısı qatısadı.
Tokioda koronavirusqa baylanıstı tötenşe jağday jariyalanğandıqtan aşılu räsiminde körermender bolmaydı. 68 mıñ orındıq stadionda nebäri mıñğa juıq adam boladı. Şarağa älemniñ 15 eliniñ basşısı qatısadı.
Olimpiada oyındarı 23 şilde – 9 tamızda ötedi. Bwl jarısqa Qazaqstan 97 joldama alğan.