Qazaqstan boksşısı Qamşıbek Qoñqabaev Tokiodağı olimpiada oyındarınıñ jartılay finalında jeñilip, qola jülde ielendi.

91+ kilogram salmaqta sınğa tüsken Qoñqabaev 4 tamız küni ötken jartılay finalda AQŞ boksşısı Riçard Torresten merziminen bwrın jeñildi. Üşinşi raundta mwrını jarılğan Qamşıbek Qoñqabaevqa ringtegi referi jekpe-jekti soñına deyin jalğastıruğa rwqsat bergen joq. Kezdesu toqtatılğan sätte Qoñqabaev qarsılasınan 0-5 esebimen jeñilip jattı.

29 jastağı Qoñqabevtı jeñgen  20 jastağı Riçard Torres endi finalda älem çempionı, Aziyanıñ üş dürkin jeñimpazı, Özbekstan boksşısı Bahodir Jalolovqa qarsı jwdırıqtasadı. Jalolov jartılay finalda britaniyalıq Freyzer Klarktı jeñdi.

Qoñqabaev – Tokida jülde alğan qazaqstandıq alğaşqı boksşı. Qazaqstan qwramasınıñ tağı bir boksşısı Säken Bibosınov (52 kilogram) 5 tamız küni jartılay finalda wlıbritaniyalıq Galal YAfayğa qarsı jwdırıqtasadı. Qazaqstannıñ qalğan boksşıları jarıs jolınan şığıp, jüldesiz qaldı.

Qazaqstan qwramasınan Tokioda dzyudoşı Eldos Smetov, auır atletter Igor' Son jäne Zülfiya Çinşanlo qola medal' alğan. 4 tamızdağı jağday boyınşa, Qazaqstan tört qola medal'men komandalıq esepte 75-orında twr.

"The Qazaq Times"