Qazaqstan prezidenti äkimşiligi jetekşisiniñ birinşi orınbasarı Däuren Abaev "Qazaqstan ükimeti Pegasus bağdarlaması arqılı 2 mıñday telefondı añdığan boluı mümkin" degen aqparat dälelsiz dep esepteydi. Bwl jaylı ol memlekettik "Habar" arnasınan körsetiletin "Otkrıtıy dialog 2.0" bağdarlamasında ayttı. 

"Anıq-qanığı belgisiz närse jöninde pikir aytu qiın. Bizge dälelsiz jetkilikti därejede intriga tudıratın aqparattı berip, änşeyin soğan senudi wsınadı. Bwl tizimge kez kelgen adamdı engizuge boladı, osılayşa elita, jurnalister jäne özge toptar arasında küdik jayu[ğa boladı]. Meniñ oyımşa, bwl jerde aqılğa qonımdı skepticizm principin wstanğan jön. Äzirge aytarım osı" dedi Däuren Abaev.

Jemqorlıq pen wyımdasqan qılmıstı zertteu ortalığı (OCCRP) bastağan jurnalister tobı 18 şildede zertteu jariyalap, Izrail'diñ NSO Group tobı älem ükimetterin tıñşılıq bağdarlamasımen qamtamasız etti dep twjırım jasağan. Zertteuge säykes, 2016 jıldan beri älem boyınşa osı bağdarlamanıñ kömegimen 50 mıñğa deyin telefon nömiri tıñdalğan. Onıñ işinde 2 mıñ şaqtı nömirdi tıñdau turalı tapsırıstı Qazaqstan ükimeti bergen degen boljam bar.

Äzirge, joba avtorları telefonı tıñdalğan boluı mümkin 8 adamnıñ atı-jönin jariyaladı. Bwlar: prezident Qasım-Jomart Toqaev, ükimet basşısı Asqar Mamin, Almatı qalasınıñ äkimi Baqıtjan Sağıntaev, qwqıq qorğauşı Baqıtjan Töreğojina, jurnalist Serikjan Mäuletbay, Central Asia Monitor gazetiniñ bwrınğı bas redaktorı Bigeldi Ğabdullin.

Bwğan qosa Qazaqstan tiziminde Kventin Gieme men Martin Viyom degen kisilerdiñ esimi ataladı. Bwlar Qazaqstanda beymälim adamdar bolğanımen, boljam boyınşa, ükimet quğındağı bankir Mwhtar Äblyazovqa bola osı kisilerdi añduğa tapsırma bergen boluı ıqtimal.

"The Qazaq Times"