Qara teñizdegi äskeri jattığu ayaqtaldı. Foto: VOA

NATO men Ukraina birlesip ötkizgen Qara teñizdegi «Sea Breeze 2021» äskeri jattağuı senbi küni märesine jetti. Eki aptağa jalğasqan jattığuda 30 äskeri keme men 40 wşaq paydalandı. Osılayşa NATO men Ukraina qorğanıs salasındağı baylanıstı bekemdegenin körsetip, özderiniñ jauıngerlik qabiletterin äygiledi.

NATO men Ukraina arasındağı kezekti äskeri oqu-jattığudıñ maqsatı jabdıqtardıñ jäne qatısuşı jeke qwramınıñ jwmısın üylestirudi barınşa jaqsartu boldı.

Jattığuğa qatısqan USS Ross esminecniñ kapitanı, podpolkovnik D. Djon Associated Press agenttigine bergen jauabında: «Biz bwl jattığu arqılı kez kelgen halıqaralıq wyım men jekelegen elderdiñ Qara teñiz sekildi halıqaralıq ortaq sularda öz egemendigin asıra paydalana almaytının körsetkimiz keldi. Bwl teñiz aydını halıqaralıq qauımdastıqqa ortaq, biz barlıq elderdiñ halıqaralıq teñiz aydındarın erkin paydalana alatınına senimdimiz», – degen.

Onıñ bwl sözi atın atap, tüsin tüstemese de Mäskeuge qaratılğanı aydan anıq. Degenmen, Mäskeu tarabı da öz kezeginde «Sea Breeze-2021» jattığuına jiti nazar audarıp otırğanın bildirdi. NATO men Ukrainanıñ birlesken jattığuına jauap retinde Resey de eldiñ soltüstik-batısı men Qara teñizde bir uaqıtta äskeri jattığu ötkizdi. Bwğan qosa Qırım tübegi mañındağı su üsti şekarasın bwzdı dep NATO müşelerin ayıptauın jiiletti.

“The Qazaq Times”